പ്ല​ഗ്ഗി​ല്‍ കു​ത്തി​യി​ട്ടു ചാ​ര്‍​ജ് ചെ​യ്തു​കൊ​ണ്ട് മൊ​ബൈ​ല്‍ ഫോ​ണ്‍ ഉ​പ​യോ​ഗി​ക്കു​ന്ന​തി​നി​ടെ, സ്മാ​ര്‍​ട്ഫോ​ണ്‍ പൊട്ടി​ത്തെ​റി​ച്ച്‌ കൗ​മാ​ര​ക്കാ​രി കൊ​ല്ല​പ്പെ​ട്ടു. കി​ഴ​ക്ക​ന്‍ ഒ​ഡീ​ഷ​യി​ലെ ഖേ​ര​കാ​നി​യി​ല്‍ ഉ​മ ഒ​റം എ​ന്ന പ​തി​നെ​ട്ടു​കാ​രി​യാ​ണ് മ​രി​ച്ച​ത്.

ഫോണ്‍ ചാര്‍ജിലിട്ട് കോള്‍ ചെയ്തതാണ് പൊട്ടിത്തെറിക്ക് പിന്നിലെന്നാണ് കരുതുന്നത്. ഫോണിന്റെ ബാറ്ററിയാണ് പൊട്ടിതെറിച്ചത്. ഫോണിന്റെ ബാറ്ററി ചാര്‍ജ് നില്‍ക്കുന്നില്ലാത്തതിനാല്‍ ചാര്‍ജിലിട്ടാണ് സഹോദരി കോള്‍ ചെയ്തതെന്ന് സഹോദരന്‍ ദുര്‍ഗ പ്രസാദ് പറഞ്ഞു.

നോക്കിയ ലോഗോയിലുള്ള സ്മാര്‍ട്ട് ഫോണാണ് പൊട്ടിത്തെറിച്ചത്. എന്നാല്‍ ഇത് വ്യാജ ഫോണാണെന്നും സംശയമുണ്ട്. മുന്‍ നിര ബ്രാന്‍ഡുകളുടെ പേരില്‍ വിപണിയില്‍ വ്യാജനും വിപുലമാണ്. ഇത്തരം ഫോണുകള്‍ പൊട്ടിത്തെറിക്കുന്ന സംഭവങ്ങള്‍ മുന്‍പും ഉണ്ടായിട്ടുണ്ട്.

ചിത്രങ്ങളിലെ വിവരങ്ങള്‍ പ്രകാരം 2010 ല്‍ പുറത്തിറങ്ങിയ നോക്കിയ 5233 ഹാന്‍ഡ്‌സെറ്റാണ് പൊട്ടിത്തെറിച്ചത്. നോക്കിയ ഫോണ്‍ പൊട്ടിത്തെറിച്ച് മരണം സംഭവിച്ചതില്‍ ദുഃഖമുണ്ടെന്ന് നോക്കിയ അധികൃതര്‍ പറഞ്ഞു. സംഭവത്തെ കുറിച്ച് അന്വേഷണം ആരംഭിച്ചിട്ടുണ്ട്.