"പ്രതിഷേധം ഫലംകണ്ടു " ; ലൈംഗിക ആരോപണ വിധേയനായ ജെ.എന്.യു പ്രഫസര് അറസ്റ്റില്
ലൈംഗിക ആരോപണ വിധേയനായ ജെ.എന്.യു പ്രഫസര് അതുല് ജോഹ് രി അറസ്റ്റില്. ഡല്ഹി പൊലീസാണ് അതുല് ജോഹ്രിയെ അറസ്റ്റ് ചെയ്തത്. വൈകാതെ തന്നെ പട്യാല ഹൗസ് കോടതിയില് അതുലിനെ ഹാജരാക്കുമെന്നാണ് വിവരം. എട്ട് ലൈംഗികാരോപണ കേസുകളാണ് ഇദ്ദേഹത്തിനെതിരെ രജിസ്റ്റര് ചെ്യതിട്ടുള്ളത്.
സ്കൂള് ഓഫ് ലൈഫ് സയന്സിലെ പ്രഫസറായ അതുല് ജോഹ് രിക്കെതിരെ മാര്ച്ച് 15നാണ് ഒരുപറ്റം വിദ്യാര്ഥിനികള് പരാതിയുമായി രംഗത്തെത്തിയത്. തങ്ങളെ ലൈംഗികമായി അപമാനിച്ചുവെന്നും സാമ്ബത്തിക അഴിമതി നടത്തി എന്നതാണ് ഇയാള്ക്കെതിരെയുള്ള പരാതി.
സ്കൂള് ഓഫ് ലൈഫ് സയന്സിലെ ഒരു വിദ്യാര്ഥിനി കഴിഞ്ഞ ആഴ്ച പ്രഫസര്ക്കെതിരെ വാര്ത്താസമ്മേളനം നടത്തിയിരുന്നു. പഠിപ്പിച്ചിരുന്ന എല്ലാ വിദ്യാര്ഥിനികളോടും പ്രഫസര് മോശമായി സംസാരിച്ചിരുന്നുവെന്നും ഭൂരിഭാഗം വിദ്യാര്ഥിനികളോടും ലൈംഗികമായി വഴങ്ങാന് ആവശ്യപ്പെട്ടിരുന്നുവെന്നും വിസമ്മതിക്കുന്നവര്ക്കെതിരെ പ്രതികാര നടപടികള് സ്വീകരിച്ചിരിന്നുവെന്നും വാര്ത്താസമ്മേളനത്തില് വിദ്യാര്ഥിനി ആരോപിച്ചു. ഭരണവിഭാഗത്തിലെ ചിലരുമായി കൂട്ടുചേര്ന്ന് ഇയാള് സാമ്ബത്തിക ക്രമക്കേട് നടത്തുന്നുണ്ടെന്നും വിദ്യാര്ഥിനി ആരോപിച്ചു.
https://www.facebook.com/Malayalivartha
