ആധാര്‍ പൈശാചികമാണെന്നും അത് അക്രൈസ്തവമാണെന്നും ചൂണ്ടിക്കാട്ടി ഒരു വിശ്വാസി സുപ്രീം കോടതിയില്‍ നൽകിയ ഹർജി ചർച്ചയാകുകയാണ്. ജോണ്‍ എബ്രഹാം എന്നയാളാണ് വിചിത്ര വാദവുമായി കോടതിയെ സമീപിച്ചിരിക്കുന്നത്. തന്നെ പന്ത്രണ്ടക്കത്തില്‍ ബന്ധിപ്പിക്കുന്നതില്‍ നിന്ന് ഒഴിവാക്കിത്തരണമെന്നും ഇയാൾ പറയുന്നു. തന്റെ ആവശ്യത്തോട് മറ്റ് ക്രൈസ്തവര്‍ യോജിക്കണമെന്ന് താന്‍ ആവശ്യപ്പെടുന്നില്ലെന്നും ക്രിസ്തീയതയെക്കുറിച്ചുള്ള തന്റെ പഠനങ്ങളുടെ അടിസ്ഥാനത്തിലാണ് ആവശ്യമെന്നും ഇയാൾ ഹർജിയിൽ പറയുന്നു.

ആധാര്‍ ഇല്ലെന്നുപറഞ്ഞ് മുംബൈ സെന്റ് സേവ്യര്‍സ് കോളേജില്‍ മകന് പ്രവേശനം നിഷേധിച്ചെന്നും ജോണ്‍ എബ്രഹാം പറയുന്നു. ടാക്സ് അടക്കുന്നത് ക്രിസ്തീയമല്ലെന്ന് തോന്നിയാല്‍ താങ്കള്‍ എന്തു ചെയ്യുമെന്നാണ് കോടതി ഇയാളോട് ചോദിക്കുന്നത്. ആധാറും മതവിശ്വാസങ്ങളും സംബന്ധിച്ച കാര്യങ്ങളില്‍ ഇടപെടാന്‍ ആഗ്രഹിക്കുന്നില്ലെന്ന് കോടതി പറഞ്ഞു.