മൃഗാശുപത്രി നിർമിക്കാൻ വര്‍ഷങ്ങള്‍കൊണ്ട് ശേഖരിച്ച 200 അപൂര്‍വ മൈക്ക പെയിന്റിങ്ങുകൾ വിൽക്കാനൊരുങ്ങുകയാണ് കേന്ദ്രമന്ത്രി മേനകാഗാന്ധി. പെയിന്റിങ്ങുകള്‍ വില്‍ക്കുന്നതില്‍ വലിയ വിഷമമുണ്ടെന്നും ഫണ്ട് ശേഖരണത്തിന് മറ്റു മാര്‍ഗങ്ങളില്ലാത്തതുക്കൊണ്ടാണ് ഈ വഴി തിരഞ്ഞെടുത്തതെന്നും മേനക പറഞ്ഞു. 19ാം നൂറ്റാണ്ടില്‍ വരച്ച മിനിയേച്ചര്‍ പെയിന്റിങ്ങുകളാണ് വില്‍പ്പനയ്ക്കായി മാറ്റിവെച്ചിരിക്കുന്നത്. ആ കാലഘട്ടത്തിലെ ഇന്ത്യന്‍ ജീവിതത്തെ അടയാളപ്പെടുത്തുന്ന ചിത്രങ്ങളാണതെല്ലാം.

മേനകാഗാന്ധിയുടെ അശോകാ റോഡിലുള്ള വീട്ടില്‍വെച്ചാണ് പ്രദര്‍ശനം നടത്തുക. 35,000 മുതല്‍ 7.5 ലക്ഷം രൂപവരെയാണ് ചിത്രങ്ങള്‍ക്ക് വിലയിട്ടിരിക്കുന്നത്. മധ്യപ്രദേശിലെ റായ്പുരിലാണ് മേനകയുടെ നേതൃത്വത്തിലുള്ള സംഘടനയായ പീപ്പിള്‍ ഫോര്‍ ആനിമല്‍സ് മൃഗാശുപത്രി നിര്‍മിക്കുന്നത്.