യുവതിയെ കാറിലെത്തിയ സംഘം തട്ടികൊണ്ടുപ്പോയി അതിക്രൂരമായി ആക്രമിച്ചു. തട്ടിക്കൊണ്ടുപോകാനുള്ള ശ്രമം തടയുന്നതിനിടെയായിരുന്നു മർദ്ദനം. അഹമ്മദാബാദിലാണ് സംഭവം നടന്നത്. ബിഎഡ് വിദ്യാര്‍ഥിനിയായ വിലാഷ് വഗേല എന്ന 21കാരി റോഡിലൂടെ നടന്നുപോവുകയായിരുന്നു. ഈ സമയത്തായിരുന്നു കാറിലെത്തിയ സംഘം തട്ടിക്കൊണ്ടുപോവാന്‍ ശ്രമിച്ചത്. ശ്രമം തടയാൻ ശ്രമിച്ചതോടെ യുവതിയുടെ കാതുകളും കൈവിരലും സംഘം മുറിച്ചെടുത്തു.

മാത്രമല്ല ശിരോചര്‍മ്മത്തോട് കൂടി പെണ്‍കുട്ടിയുടെ തലമുടി വലിച്ചുപറിച്ചെടുക്കുകയും ചെയ്തു. ശേഷം കാറില്‍ കയറ്റിക്കൊണ്ടുപോയ പെണ്‍കുട്ടിയെ സ്വര്‍ണാഭരണങ്ങള്‍ തട്ടിയെടുത്ത ശേഷം കിലോമീറ്ററുകള്‍ക്കപ്പുറം ഉപേക്ഷിക്കുകയും ചെയ്തു. അഹമ്മദാബാദിലെ വിഎസ് ആശുപത്രിയില്‍ ചികിത്സയിലാണ് പെൺകുട്ടി.