രാജ്യസഭാ തിരഞ്ഞെടുപ്പിലെ ബിജെപിയുടെ വിജയം ചിലര്ക്കുള്ള മുന്നറിയിപ്പെന്ന് യോഗി ആദിത്യനാഥ്
യുപിയില് രാജ്യസഭാ തിരഞ്ഞെടുപ്പില് വിജയം നേടിയതിനു ശേഷം എസ്പി,ബിഎസ്പി പാര്ട്ടികളെ ശക്തമായ ഭാഷയില് വിമര്ശിച്ച് മുഖ്യമന്ത്രി യോഗി ആദിത്യനാഥ്. സമാജ്വാദി പാര്ട്ടി അവസരവാദികളുടെ സങ്കേതമാണെന്നു അദ്ദേഹം പരിഹസിച്ചു. ഇതിനു പുറമെ തിരഞ്ഞെടുപ്പിലെ ബിജെപിയുടെ വിജയം ചിലര്ക്കുള്ള മുന്നറിയിപ്പാണെന്നും യോഗി അഭിപ്രായപ്പെട്ടു.
എസ്പി,ബിഎസ്പി പാര്ട്ടികളെ ഒരു പോലെ ഉന്നമിട്ടാണ് യോഗിയുടെ പ്രസ്താവന. ആരുടെയും പേരു പറയാതെയാണ് ബുദ്ധിശാലികള് മുന്നറിയിപ്പില് നിന്നും പാഠം പഠിക്കമെന്നു അദ്ദേഹം പറഞ്ഞത്.
യുപിയില് രാജ്യസഭാ തിരഞ്ഞെടുപ്പില് 10 ല് ഒമ്പതു സീറ്റും ബിജെപി നേടിയിരുന്നു. കഴിഞ്ഞ ലോക്സഭാ ഉപതിരഞ്ഞെടുപ്പില് ബിജെപിക്കതിരെ എസ്പിയും ബിഎസ്പിയും കൈക്കോര്ത്തിരുന്നു. ഇതോടെ വലിയ പരാജയമാണ് അന്ന് ബിജെപി നേരിട്ടത്. എംഎല്എമാര് കൂറുമാറി വോട്ട് ചെയ്തത് കൊണ്ടാണ് രാജ്യസഭാ തിരഞ്ഞെടുപ്പില് ഒമ്പതാമത്തെ സീറ്റില് ബിജെപി വിജയിച്ചത്.
https://www.facebook.com/Malayalivartha
