ഹൈദരാബാദ് വിമാനത്താവളത്തില്‍ ലാന്‍ഡിംഗിനിടെ ഇന്‍ഡിഗോ വിമാനത്തിന്റെ ടയര്‍ പൊട്ടിത്തെറിച്ചു. ഇന്നലെ വൈകുന്നേരമായിരുന്നു സംഭവം. തിരുപ്പതിയില്‍ നിന്നും ഹൈദരാബാദിലേക്ക് വന്ന 6ഇ 7117 ഇന്‍ഡിഗോ വിമാനം റണ്‍വേയില്‍ കുടുങ്ങുകയായിരുന്നു.

വിമാനം റണ്‍വേയില്‍ കുടുങ്ങിയതോടെ മറ്റു വണ്ട് വിമാനങ്ങള്‍ സമീപത്തുള്ള വിമാനത്താവളങ്ങളിലേക്ക് വഴിതിരിച്ചുവിടുകയായിരുന്നു. കുറച്ചുസമയത്തേക്ക് ഇവിടെ നിന്നുള്ള സര്‍വീസുകളും റദ്ദാക്കിയിരുന്നു. വന്‍ അപകടമാണ് ഒഴിവായിരിക്കുന്നത്. വിമാനത്തിലുണ്ടായിരുന്ന ഒരു കുട്ടി അടക്കം 73 യാത്രക്കാരെയും നാല് ജീവനക്കാരെയും സുരക്ഷിതരായി പുറത്തെത്തിച്ചു.