മഹാവീര ജയന്തി ആശംസയിലൂടെ അക്കിടി പറ്റിയിരിക്കുകയാണ് ശശിതരൂറിന്. തന്റെ മഹാവീര ജയന്തി ആശംസയാണ് ഇപ്പോൾ പുലിവാലായിരിക്കുന്നത്. മഹാവീര ജയന്തി ആശംസിച്ച്‌​ ട്വീറ്റ്​ ചെയ്​ത തരൂരിന്​ മഹാവീരനെയും ബുദ്ധനെയും തമ്മിൽ മാറിപ്പോയി.

ജൈനമതത്തിലെ 24ാമത്​ തീര്‍ത്ഥങ്കരന്‍ വര്‍ദ്ധമാന മഹാവീര​ന്റെ ജയന്തി മാര്‍ച്ച്‌​ 29നാണ്. ​ട്വിറ്ററില്‍ മഹാവീര ജയന്തി ആശംസകളറിയിച്ചുകൊണ്ട് തരൂര്‍ പങ്കുവെച്ചത്​ മഹാവീര​ന്റെ ചിത്രത്തിനു പകരം ഗൗതമബുദ്ധ​​െന്‍റ ചിത്രമാണ്​​. എന്നാല്‍ തെറ്റു തിരിച്ചറിഞ്ഞ തരൂര്‍ താന്‍ ഫോട്ടോ തെരഞ്ഞെടുത്ത സ്രോതസ് തെറ്റായതാണ് ഇതിനു കാരണമെന്നും തെറ്റ്​ ചൂണ്ടിക്കാണിച്ചവര്‍ക്ക്​ നന്ദിയും അറിയിച്ചു.

ട്വീറ്റ് കണ്ടവരൊക്കെ പിന്നാലെ കമന്‍റുകളുമായെത്തി. ചിലര്‍ പള്ളിക്ക്​ മുന്നില്‍​ നിസ്​കരിക്കുന്ന പടത്തിനൊപ്പം ദീപാവലി ആശംസകള്‍ അറിയിച്ചു. വാലന്റൈൻസ് ഡേയുടെ ചിത്രം നല്‍കി ക്രിസ്​മസും, രാമ​ന്റെ ചിത്രം നല്‍കി ഇൗദും ആശംസിച്ചുകൊണ്ടായിരുന്നു പരിഹാസം.