ഉത്തര്‍പ്രദേശിലെ അലഹബാദില്‍ ഡോ. ബി.ആര്‍. അംബേദ്കറുടെ പ്രതിമക്കു നേരെ വീണ്ടും ആക്രമണം. പ്രതിമയുടെ തല തകര്‍ത്ത നിലയിലാണുള്ളത്. വെട്ടിമാറ്റിയ തല പ്രതിമയുടെ സമീപത്തു തന്നെ ഉപേക്ഷിച്ച നിലയിലാണ്.

ത്രിപുരയില്‍ തെരഞ്ഞടുപ്പില്‍ അപ്രതീക്ഷിത വിജയം കൊയ്​ത ബി.ജെ.പിക്കാര്‍ ലെനി​​ന്റെ പ്രതിമ തകര്‍ത്തതോടെയാണ്​ ​പ്രതിമകള്‍ക്കെതിരായ ആക്രമണങ്ങള്‍ രാജ്യത്ത്​ വ്യാപകമായത്​.തുടർന്ന്​​ തമിഴ്​​നാട്ടില്‍ പെരിയാറിന്റെ പ്രതിമ തകര്‍ത്തിരുന്നു. രാജ്യത്ത്​ വിവിധയിടങ്ങളില്‍ അംബേദ്​ക്കറി​​​െന്‍റ പ്രതിമകള്‍ക്കെതിരെയും ആക്രമണമുണ്ടായി.

പ്രതിമ തകര്‍ക്കുന്നവര്‍ക്കെതിരെ ശക്​തമായ നടപടി സ്വീകരിക്കുമെന്ന സര്‍ക്കാര്‍ മുന്നറിയിപ്പിനെ തുടര്‍ന്ന്​ നിലച്ച ആക്രമണം ഇൗ സംഭവത്തോടെ വീണ്ടും തുടങ്ങിയിരിക്കുകയാണ്​.