ഒരു മാസം മാത്രം പ്രായമുള്ള കുഞ്ഞിന്റെ ​ദേഹത്ത്​​ ആസിഡ്​ ഒഴിച്ചു​. ഗുരുതര പരിക്കേറ്റ കുഞ്ഞ്​ ആശുപത്രിയല്‍ ചികിത്​സയിലാണ്​. ന്യൂമോണിയക്ക്​ ചികിത്​സ തേടിയെത്തിയ നവജാതശിശുവിന്​ നേരെയാണ് സ്​ത്രീ ആസിഡൊഴിച്ചു. രാജസ്​ഥാനിലാണ്​ സംഭവം.

ന്യുമോണിയ ബാധിച്ച പ്രിയാന്‍ഷു എന്ന കുഞ്ഞിനാണ്​ ഇൗ ദുരിതം അനുഭവിക്കേണ്ടി വന്നത്​. രോഗം മാറ്റാന്‍ കഴിവുണ്ടെന്ന്​ അവകാശപ്പെട്ട സ്​ത്രീയാണ്​ കുഞ്ഞി​ന്റെ മേല്‍ ആസിഡൊഴിച്ചത്​. അസുഖം ബാധിച്ച കുഞ്ഞിനെ ബന്ധുക്കളാണ്​ വ്യാജ ചികിത്​സകയുടെ അടുത്തെത്തിച്ചത്​. കുഞ്ഞി​ന്റെ നെഞ്ചും കാലുകളും പൊള്ളിപ്പോ​യെന്ന്​ പൊലീസ്​ പറഞ്ഞു.

സ്​​ത്രീയെ പൊലീസ്​ അറസ്​റ്റ്​ ചെയ്​തു. കുഞ്ഞിന്റെ അവസ്​ഥ വഷളാകാന്‍ തുടങ്ങിയതോടെയാണ്​ ആശുപത്രിയില്‍ പ്രവേശിപ്പിച്ചത്​. ഡോക്​ടര്‍മാര്‍ അറിയിച്ചതനുസരിച്ചാണ്​ പൊലീസ്​ എത്തി കേസെടുത്തത്​.