സി.ബി.എസ്.ഇ ചോദ്യപേപ്പര് ചോര്ച്ച: മൂന്ന് പേര് അറസ്റ്റില്
സി.ബി.എസ്.ഇ ചോദ്യപേപ്പര് ചോര്ച്ചയുമായി ബന്ധപ്പെട്ട മൂന്ന് പേര് കൂടി അറസ്റ്റിലായി. ഡല്ഹി പൊലീസാണ് ഇവരെ അറസ്റ്റ് ചെയ്തത്. രണ്ട് അധ്യാപകരും ഒരു കോച്ചിങ് സന്റെര് ഉടമയുമാണ് അറസ്റ്റിലായത്.
ഡല്ഹിയിലെ സ്വകാര്യ സ്കൂളിലെ അധ്യാപകരമായ ഋഷഭ്, രോഹിത് എന്നിവരാണ് അറസ്റ്റിലായത്. കോച്ചിങ് സന്റെറിലെ ട്യൂട്ടറായ തൗകീറാണ് അറസ്റ്റിലായ മൂന്നാമന്.
പരീക്ഷാദിവസം രാവിലെ ഒമ്ബത് മണിക്ക് ചോദ്യപേപ്പര് ചോര്ത്തിയെന്ന് ഇവര് സമ്മതിച്ചതായി റിപ്പോര്ട്ടുണ്ട്. അറസ്റ്റ് വിവരം സ്പെഷ്യല് കമീഷണര് ആര്.പി ഉപാധ്യായ്, ജോയിന്റ് കമീഷണര് അലോക് കുമാര് എന്നിവര് സ്ഥിരീകരിച്ചതായി ടൈംസ് ഓഫ് ഇന്ത്യ റിപ്പോര്ട്ട് ചെയ്യുന്നു.
അറസ്റ്റിലായവരെ ഞായറാഴ്ച തന്നെ കോടതിയില് ഹാജരാക്കുമെന്നാണ് വിവരം. നേരത്തെ ചോദ്യപേപ്പര് ചോര്ച്ചയുമായി ബന്ധപ്പെട്ട് ആറ് അധ്യാപകരെയും ഒരു സ്കൂള് പ്രിന്സിപ്പലിനെയും അന്വേഷണ സംഘം ചോദ്യം ചെയ്തിരുന്നു. ചോദ്യപേപ്പര് ചോര്ച്ചയുമായി ബന്ധപ്പെട്ട് ഝാര്ഖണ്ഡില് മൂന്ന് പേരെ പൊലീസ് നേരത്തെ അറസ്റ്റ് ചെയ്തിരുന്നു
https://www.facebook.com/Malayalivartha
