ചോദ്യപേപ്പർ ചോർന്നതുമായി ബന്ധപ്പെട്ട് സി.ബി.എസ്​.ഇ പത്താംക്ലാസ്​ കണക്ക്​ പരീക്ഷ വീണ്ടും നടത്തില്ലെന്ന്​ തീരുമാനം. ഉത്തരക്കടലാസ്​ വിശകലനം ചെയ്​ത ശേഷമാണ്​ പരീക്ഷ നടത്തേണ്ടതില്ലെന്ന്​ സി.ബി.എസ്​. ഇ തീരുമാനമെടുത്തത്​. ഇത്​ സംബന്ധിച്ച ഒൗദ്യോഗിക വിജ്​ഞാപനം ഇന്ന്​ പുറത്തിറങ്ങും.

പരീക്ഷക്ക്​ മുമ്പ്​ തന്നെ സി.ബി.എസ്​.ഇ പത്താം ക്ലാസ്​ കണക്ക്​ പരീക്ഷയുടെയും പന്ത്രണ്ടാം ക്ലാസ്​ ഇക്കണോമിക്​സ്​ പരീക്ഷയുടെയും ചോദ്യങ്ങളും ഉത്തരങ്ങളും വാട്​സ് ആപ്പിലൂടെ പ്രചരിച്ചിരുന്നു. ശക്​തമായ പ്രതിഷേധത്തെ തുടര്‍ന്ന്​ ഇക്കണോമിക്​സ്​ പരീക്ഷ ഏപ്രില്‍ 25 നടത്താന്‍ സി.ബി.എസ്.ഇ തീരുമാനിച്ചിരുന്നു.