12 അക്ക ആധാര് നമ്പറിനു പകരം 16 അക്കമുള്ള വെര്ച്വല് ഐഡി നല്കുന്ന പുതിയ ബീറ്റാ പതിപ്പ് സവിശേഷ തിരിച്ചറിയല് അതോറിറ്റി (യു.ഐ.ഡി.എ.ഐ) പുറത്തിറക്കി
12 അക്ക ആധാര് നമ്പറിനു പകരം 16 അക്കമുള്ള വെര്ച്വല് ഐഡി നല്കുന്ന പുതിയ ബീറ്റാ പതിപ്പ് സവിശേഷ തിരിച്ചറിയല് അതോറിറ്റി (യു.ഐ.ഡി.എ.ഐ) പുറത്തിറക്കി. ഇനി ഈ ഐഡിയിലായിരിക്കും ആധാര് നമ്പര് ഉണ്ടായിരിക്കുക. പുതിയ സംവിധാനത്തില്, ആധാര് ഉടമക്കല്ലാതെ മറ്റാര്ക്കും നമ്പര് മനസ്സിലാക്കാന് സാധിക്കില്ല. കൂടാതെ, ഉടമക്ക് മേല്വിലാസത്തിലെ മാറ്റംപോലെയുള്ള വിവരങ്ങള് പരിഷ്കരിക്കാനുമാവുമെന്ന് യു.ഐ.ഡി.എ.ഐ സി.ഇ.ഒ അജയ് ഭൂഷണ് പാണ്ഡെ അറിയിച്ചു.
ആധാര് വിവരങ്ങളുടെ സുരക്ഷയുമായി ബന്ധപ്പെട്ട് നിരവധി പേര് സുപ്രീംകോടതിയെ സമീപിച്ച പശ്ചാത്തലത്തിലാണ് സുരക്ഷ ഉറപ്പുവരുത്തുന്ന ബീറ്റാ പതിപ്പുമായി യു.ഐ.ഡി.എ.ഐ രംഗത്തുവന്നത്. എന്ന വെബ്സൈറ്റിലൂടെ ഉപഭോക്താവിന് വെര്ച്വല് ഐഡിയിലേക്ക് മാറാം. ഇതിനുള്ള സമയപരിധി 2018 ജൂണ് ആണ്. പുതിയ സംവിധാനത്തിനു കീഴില് തിരിച്ചറിയലിനായി ഉടമ തന്റെ 12 അക്ക ആധാര് നമ്പറിനു പകരം വെര്ച്വല് ഐഡി നല്കിയാല് മതി.
https://www.facebook.com/Malayalivartha
