പ്രധാനമന്ത്രി നരേന്ദ്ര മോഡി 4 വർഷങ്ങളിലായി വിദേശ യാത്രകൾക്കായി ഖജനാവിൽ നിന്നും ചെലവാക്കിയ തുകയുടെ കണക്കുകള്‍ പുറത്ത്. ഏറ്റവും അവസാനം പുറത്തുവന്ന കണക്കുകൾ പ്രകാരം യാത്രകള്‍ക്കായി 440.4 കോടി രൂപയാണ് നരേന്ദ്ര മോഡി ചെലവാക്കിയത്. ഇതില്‍ ഏറ്റവും കുറവ് തുക മുടക്കിയത് കഴിഞ്ഞ വര്‍ഷമാണെന്നാണ് കണക്കുകള്‍ വ്യക്തമാക്കുന്നത്.

പ്രധാനമന്ത്രിയായ ശേഷം 2014ല്‍ ജൂണ്‍ മുതല്‍ ഡിസംബര്‍ വരെയുള്ള ഏഴു മാസം കൊണ്ട് വിദേശ യാത്രക്കായി 77.9 കോടി രൂപയാണ് മോദി ചെലവഴിച്ചത് . 2015ല്‍ 134 കോടി രൂപയും 2016ല്‍ 152 കോടിരൂപയുമാണ് മോദിയുടെ വിദേശ യാത്ര ചെലവായത്.2017ൽ 76.5 കോടി രൂപയും ചിലവായി .നരേന്ദ്ര മോദിയുടെ ഏറ്റവും ചെലവ് കൂടിയ സഞ്ചാരം 2015 ഏപ്രിലിലായിരുന്നു. ഫ്രാന്‍സ്, ജര്‍മനി, കാനഡ എന്നിവിടങ്ങളിലേക്കായിരുന്നു മോഡി പറന്നത്.

2018 വര്‍ഷം ആരംഭിച്ചശേഷമുള്ള കണക്കുകള്‍ ഇതുവരെ പുറത്തു വന്നിട്ടില്ല. പുറത്തു വരുന്ന വിവരങ്ങൾ പ്രകാരം ഇക്കൊല്ലം മൂന്നു വിദേശ രാജ്യങ്ങളില്‍ മോദി സന്ദര്‍ശനം നടത്തികഴിഞ്ഞു.