ജ്യേഷ്ഠനോട് ആവശ്യപ്പെട്ട ആഗ്രഹം സാധിക്കാത്തതിനാല്‍ ഇളയ സഹോദരന്‍ പിന്നെ ഒന്നും ചിന്തിച്ചില്ല അദ്ദേഹത്തിന്റെ മൂക്ക് കടിച്ചു മുറിച്ചു. മദ്യം വാങ്ങാനായി പണം നല്‍കാത്തതാണ് അനുജനെ പ്രകോപിപ്പിച്ചത്. ഉത്തര്‍ പ്രദേശിലെ കനൂജിലെ രാംലാല്‍പൂര്‍ല ഗ്രാമത്തിലാണ് സംഭവമുണ്ടായത്. ഇളയ സഹോദരനായ സൊബ്രാനെ ആക്രമിച്ച കേസില്‍ പ്രതിയായ ശ്രീകാന്തിനെ പൊലീസ് കസ്റ്റഡിയിലെടുത്തു.

ആക്രമണത്തിന് ഇരയായ സൊബ്രാന്‍ അപകട സ്ഥലത്ത് ബോധംകെട്ട് വീണതായി താതിയ സബ് ഇന്‍സ്‌പെക്ടര്‍ ജിതേന്ദ്ര സിങ് പറഞ്ഞു. സൊബ്രാനെ കൂടാതെ വീട്ടിലെ മറ്റുള്ളവരെയും പണത്തിനായി ശ്രീകാന്ത് ആക്രമിക്കാറുണ്ടെന്ന് കുടുംബാംഗങ്ങള്‍ പറഞ്ഞു.

എന്നാല്‍, സഹോദരനെ ആക്രമിച്ചതിനെ കുറിച്ച് തനിക്കൊന്നും അറിയില്ലെന്നാണ് ശ്രീകാന്ത് പൊലീസിനോട് വ്യക്തമാക്കിയത്.