പ്രധാനമന്ത്രി നരേന്ദ്ര മോദിയുടെ നേതൃത്വത്തില് ഉപവാസ സമരം ; പ്രവർത്തകർ പൊതുസ്ഥലങ്ങളില് വെച്ചോ ക്യാമറ നിരീക്ഷണത്തിനു പരുതിയിലോ ഭക്ഷണം കഴിക്കുന്നത് ഒഴിവാക്കണമെന്നു ബിജെപി നേതൃത്വത്തിന്റെ കർശന നിർദ്ദേശം
പ്രതിപക്ഷം പാര്ലമെന്റ് സ്തംഭിപ്പിച്ചതില് പ്രതിഷേധിച്ച് പ്രധാനമന്ത്രി നരേന്ദ്ര മോദിയുടെ നേതൃത്വത്തില് ബിജെപി വ്യാഴാഴ്ച ഉപവാസ സമരം സംഘടിപ്പിക്കും. സമരത്തിന് മുന്നോടിയായി ബിജെപി എംപിമാര്ക്കും പ്രവര്ത്തകര്ക്കും നേതൃത്വം കര്ശന നിർദ്ദേശങ്ങൾ ഏര്പ്പെടുത്തി.
ബിജെപി പ്രവർത്തകർ പൊതുസ്ഥലങ്ങളില് വെച്ചോ ക്യാമറ നിരീക്ഷണത്തിനു പരുതിയിലോ ഭക്ഷണം കഴിക്കുന്നത് ഒഴിവാക്കണമെന്നു നിർദ്ദേശത്തിൽ പറയുന്നു. കൂടാതെ സമരവേദികള്ക്ക് സമീപം കടകള് സ്ഥാപിക്കാന് തെരുവ് കച്ചവടക്കാരെ അനുവദിക്കരുത്. സമരത്തിന് ചീത്തപ്പേര് ഉണ്ടാക്കുന്ന തരത്തിൽ പ്രവർത്തിക്കരുതെന്നും ബിജെപി എംപി മീനാക്ഷി ലേഖി ആഹ്വാനം ചെയ്തു.
രാജ്യവ്യാപകമായി നടക്കുന്ന ഉപവാസ സമരത്തില് ബിജെപിയുടെ എല്ലാ എംപിമാരും നേതാക്കളും പങ്കെടുക്കും. കോണ്ഗ്രസിനും മറ്റ് പ്രതിപക്ഷ കക്ഷികള്ക്കും പാര്ട്ടിയെ അപകീര്ത്തിപ്പെടുത്താന് യാതൊരു അവസരങ്ങളും നല്കരുതെന്നാണ് ബിജെപി നേതൃത്വം ആവശ്യപ്പെട്ടിരിക്കുന്നത്.
കഴിഞ്ഞ ദിവസം കോണ്ഗ്രസ് നേതൃത്വത്തെ ഒന്നടങ്കം നാണക്കേടിലാക്കികൊണ്ട് ഉപവാസത്തിന് തൊട്ടുമുന്പ് നേതാക്കള് ഭക്ഷണം കഴിക്കുന്ന ചിത്രം സമൂഹ മാധ്യമങ്ങളില് വൈറലായിരുന്നു.
https://www.facebook.com/Malayalivartha
