വിഷുവിന് ദേവീ വിഗ്രഹം അലങ്കരിച്ചത് അഞ്ച് കോടിയുടെ നോട്ടുകൾ കൊണ്ട്; ഒപ്പം രത്നങ്ങളും വജ്രങ്ങളും
ദേവി വിഗ്രഹം അലങ്കരിക്കാന് അഞ്ച് കോടിയുടെ നോട്ടുകളും രത്നങ്ങളും. കോയമ്പത്തൂരിലെ മുത്തുമാരിയമ്മന് ക്ഷേത്രത്തിലെ ദേവീവിഗ്രഹത്തെയാണ് അഞ്ച് കോടിയുടെ നോട്ടുകെട്ടുകൾ കൊണ്ട് അലങ്കരിച്ചത് . അഞ്ഞൂറിന്റേയും രണ്ടായിരത്തിന്റേയും നോട്ടു കെട്ടുകൾകൊണ്ടാണ് പശ്ചാത്തലം ഒരുക്കിയത് . ഇരുന്നൂറ് രൂപയുടെ കെട്ടുകള്കൊണ്ട് വിഗ്രഹത്തിന്റെ രണ്ടിതളുകള്. രണ്ടായിരം രൂപ കൊണ്ട് മറ്റ് രണ്ട് ഇതളുകള്. ഒപ്പം സ്വര്ണം കൊണ്ടും, വജ്രം കൊണ്ടും അലങ്കാരം.
തമിഴ്നാട്ടില് പുത്താണ്ടിനോട്(പുതുവര്ഷദിനം) അനുബന്ധിച്ചാണ് മുത്തുമാരിയമ്മന് ക്ഷേത്രത്തില് ദേവിയെ ഇങ്ങനെ അണിയിച്ചൊരുക്കിയിരിക്കുന്നത്. തമിഴ്നാട്ടിലെ പുരാതന ക്ഷേത്രങ്ങളിലൊന്നായ ഇവിടെ ഈ ദിവസങ്ങളില് മറ്റ് സംസ്ഥാനങ്ങളില് നിന്ന് പോലും വിശ്വാസികളെത്തുന്നു. മലയാളികള് വിഷുവാഘോഷിക്കുന്ന സമയത്താണ് പുത്താണ്ട് ആഘോഷത്തിന് തമിഴ്നാട്ടില് തുടക്കം കുറിക്കുന്നത്. ഇവിടത്തെ പ്രധാന ഉത്സവങ്ങളില് ഒന്നാണ് ഈ ദിനം.
മലയാളികള് വിഷുക്കണി കാണുന്നത് പോലെ തമിഴ്നാട്ടിലും ഈ ദിനത്തില് വിശ്വാസികള് കണിയൊരുക്കാറുണ്ട്. പുതിയ ദിനം കണികണ്ട് തുടങ്ങുന്നത് എല്ലാ കാര്യത്തിനും നല്ലതാണ് എന്നാണ് വിശ്വാസം.
https://www.facebook.com/Malayalivartha