റോഹിംഗ്യന് അഭയാര്ഥി ക്യാമ്പ് കത്തി നശിച്ചു ; സംഭവത്തിനു പിന്നില് ബാഹ്യഇടപെടല് ഉണ്ടെന്ന് അഭയാര്ഥികള്
ഡല്ഹി കാളിന്ദി കുഞ്ചിലുള്ള റോഹിംഗ്യന് അഭയാര്ഥി ക്യാമ്പ് പൂര്ണമായും കത്തി നശിച്ചു. ഞായറാഴ്ച പുലര്ച്ചെ മൂന്നരയോടെയാണ് ക്യാമ്പില് തീ പടര്ന്നത്. 20 സെന്റ് സ്ഥലത്ത് സ്ഥിതിചെയ്തിരുന്ന ക്യാമ്പ് പൂര്ണമായി അഗ്നിക്കിരയായി. റോഹിംഗ്യന് ക്യാമ്ബിലെ അഭയാര്ഥികളുടെ ജീവിത സാഹചര്യത്തെക്കുറിച്ച് അന്വേഷിച്ച് വിവരം നല്കാന് കേന്ദ്ര സര്ക്കാരിനോട് സുപ്രീം കോടതി ആവശ്യപ്പെട്ടതിനു പിന്നാലെയാണ് ക്യാമ്പിനു തീപിടിച്ച് നശിച്ചത്.
പൊതുകക്കൂസില്നിന്നാണ് തീപടര്ന്നതെന്നും സംഭവത്തിനു പിന്നില് ബാഹ്യഇടപെടല് ഉണ്ടായതായി സംശയിക്കുന്നതായും അഭയാര്ഥികള് പറഞ്ഞു. ഫയര്ഫോഴ്സ് സ്ഥലത്തെത്തിയത് ഒരു മണിക്കൂറിലേറെ കഴിഞ്ഞാണ്. അപ്പോഴേക്കും ക്യാമ്പ് പൂര്ണമായും കത്തിയമര്ന്നു. ജനപ്രതിനിധികളോ നേതാക്ളോ ക്യാമ്പ് സന്ദര്ശിച്ചിട്ടില്ല. സംഭവം നടന്ന് ഏഴുമണിക്കൂര് കഴിഞ്ഞാണ് പൊലീസ് സ്ഥലത്തെത്തിയതെന്നും അഭയാര്ഥികള് പറഞ്ഞു.
https://www.facebook.com/Malayalivartha