മദ്യലഹരിയിലെത്തിയ പിതാവിന്റെ ക്രൂരമര്ദ്ദനം സഹിക്കാനാവാതെ 12കാരി വീടിന്റെ ടെറസില് നിന്നും താഴേക്ക് ചാടി; ഞെട്ടിക്കുന്ന ദൃശ്യങ്ങൾ പുറത്ത്
പിതാവിന്റെ ക്രൂരമര്ദ്ദനം സഹിക്കാനാവാതെ 12കാരി വീടിന്റെ ടെറസില് നിന്നും താഴേക്ക് ചാടി. മദ്യലഹരിയിലെത്തിയ പിതാവിന്റെ ക്രൂര മര്ദ്ദനം താങ്ങാനാവാതെ പിതാവ് നോക്കി നില്ക്കെയാണ് പെണ്കുട്ടി താഴേക്ക് ചാടിയത്. രാജസ്ഥാനിലെ ജെയ്പൂരിലാണ് സംഭവം. സംഭവത്തിന്റെ വീഡിയോ ദൃശ്യങ്ങള് പുറത്തുവന്നിട്ടുണ്ട്. അയല്വാസികള് പകര്ത്തിയ ദൃശ്യങ്ങള് സോഷ്യല് മീഡിയയില് പ്രചരിച്ചതോടെയാണ് പിതാവിന്റെ ക്രൂരത പുറത്തറിയുന്നത്.
റോഡിലേക്ക് വീണ് രണ്ടു കാലുകള്ക്കും കൈക്കും ഗുരുതരമായി പരിക്കേറ്റ പെണ്കുട്ടി സമീപത്തെ സ്വകാര്യ ആശുപത്രിയില് ചികിത്സയിലാണ്. കഴിഞ്ഞ ഞായറാഴ്ചയാണ് സംഭവം നടന്നത്. ടെറസില് ഫോണില് സംസാരിച്ചുകൊണ്ടിരിക്കുകയായിരുന്ന പെണ്കുട്ടിയെ മദ്യലഹരിയിലെത്തിയ പിതാവ് ക്രൂരമായി മര്ദിച്ചത്.
മര്ദനം നിര്ത്തി പിതാവ് മാറിയ ഉടന് പെണ്കുട്ടി ടെറസില് നിന്ന് താഴേക്ക് ചാടി. റോഡിലേക്ക് വീണ പെണ്കുട്ടി രക്തത്തില് കുളിച്ച് കിടക്കുന്നത് ദൃശ്യങ്ങളില് വ്യക്തമാണ്. സംഭവം നടക്കുമ്ബോള് അയല്ക്കാരെല്ലാം നോക്കിനില്ക്കുകയായിരുന്നു. തുടര്ന്ന് ഇവര് സംഭവം പൊലീസില് അറിയിക്കുക ആയിരുന്നു.
വീഡിയോ കാണൂ
https://www.facebook.com/Malayalivartha
