രാജ്യത്ത് വീണ്ടും നോട്ടുക്ഷാമം രൂക്ഷമാകുന്നു... വിവിധ സംസ്ഥാനങ്ങളിലെ എ.ടിഎമ്മുകളില് പണമില്ല, ഉത്സവ സീസണില് ജനങ്ങള് കൂടുതല് പണം പിന്വലിച്ചെന്ന് ആര്ബിഐ
രാജ്യത്ത് വീണ്ടും നോട്ട്ക്ഷാമം രൂക്ഷമാകുന്നു. വിവിധ സംസ്ഥാനങ്ങളിലെ എ.ടി.എമ്മുകളിലൊന്നും പണമില്ലെന്നാണ് റിപ്പോര്ട്ട്. കര്ണാടക, മഹാരാഷ്ട്ര, ആന്ധ്രപ്രദേശ്, രാജസ്ഥാന്, ഉത്തര്പ്രദേശ്, മധ്യപ്രദേശ്, തെലങ്കാന എന്നിവിടങ്ങളിലെ ജനങ്ങളാണ് എ.ടി.എമ്മുകളില് പണമില്ലെന്ന പരാതിയുമായി എത്തിയിരിക്കുന്നത്.
ഡല്ഹിയിലെ ജനങ്ങളും എ.ടി.എമ്മുകളില് പണമില്ലെന്ന് ട്വീറ്റ് ചെയ്യുന്നു. നോട്ടു നിരോധന കാലത്തെ കറന്സി ക്ഷാമത്തെ ഓര്മിപ്പിക്കും വിധം നീണ്ട നിരകളാണ് എ.ടി.എമ്മുകള്ക്ക് മുന്നിലുള്ളത്. ഇന്നലെ മുതല് തന്നെ എ.ടി.എമ്മുകള് പ്രവര്ത്തിക്കുന്നില്ലെന്ന് ഹൈദരാബാദിലും വാരണാസിയിലും ജനങ്ങള് പരാതിപ്പെട്ടതായി എ.എന്.ഐ റിപ്പോര്ട്ട് ചെയ്യുന്നു.
ധനമന്ത്രാലയം ആര്.ബി.ഐ ഉദ്യോഗസ്ഥരുമായി കൂടിക്കാഴ്ച നടത്തി. പ്രശ്ന പരിഹാരത്തിനായി മൂന്നംഗ സമിതിയെ നിയോഗിച്ചു. ഫണ്ട് കൂടുതലുള്ള ഇടങ്ങളില് നിന്ന് പണമെത്തിച്ച് ക്ഷാമം നേരിടുന്ന ബാങ്കുകളെ സഹായിക്കാന് ആര്.ബി.ഐ നടപടികള് ആരംഭിച്ചു.
ഉത്സവ സീസണില് കൂടുതല് പണം പിന്വലിച്ചതാണ് ക്ഷാമത്തിന് കാരണമെന്നും മൂന്ന് ദിവസത്തിനകം പ്രശ്നം പരിഹരിക്കുമെന്നും ആര്.ബി.ഐ അറിയിച്ചു.
https://www.facebook.com/Malayalivartha
