കത്വയിൽ എട്ടുവയസുകാരി അതിക്രൂരമായ ബലാത്സംഗത്തിനിരയായി കൊല്ലപ്പെട്ടതിന്റെ ഞെട്ടല്‍ മാറുന്നതിന് മുന്‍പ് വീണ്ടും ഒരു പീഡന കൊലപാതകം കൂടെ . യു.പിയില്‍ എട്ടുവയസുകാരിയായ പെണ്‍കുട്ടിയെ പീഡിപ്പിച്ച്‌ കൊന്നു. മാതാപിതാക്കളോടൊപ്പം ബന്ധുവിന്റെ വിവാഹ ചടങ്ങില്‍ പങ്കെടുക്കാന്‍ എത്തിയ കുട്ടിയാണ് പീഡനത്തിനിരയായി കൊല്ലപ്പെട്ടത്. പെണ്‍കുട്ടിയെ കൊലപ്പെടുത്തിയ സോനു (18) എന്ന യുവാവിനെ പൊലീസ് അറസ്റ്റു ചെയ്തു.

ശീതൾ പുരിലെ മണ്ഡി സമിതിക്കു സമീപം ഒരു കല്യാണത്തിൽ പങ്കെടുക്കാൻ മാതാപിതാക്കൾക്കൊപ്പം എത്തിയ പെൺകുട്ടിയെ തട്ടിക്കൊണ്ടുപോവുകയായിരുന്നു. വിവാഹചടങ്ങിനിടെ പെണ്‍കുട്ടിയെ കാണാതാവുകയായിരുന്നു. തുടര്‍ന്ന് നടത്തിയ തിരച്ചിലിലാണ് കുട്ടിയെ ആളൊഴിഞ്ഞ കെട്ടിടത്തില്‍ കായല്‍ മുറിക്കി കൊലപ്പെടുത്തിയ നിലയില്‍ കണ്ടെത്തിയത്. മദ്യപിച്ച്‌ ബോധരഹിതനായ അവസ്ഥയില്‍ കുട്ടിയുടെ മൃതദേഹത്തിനടുത്തു നിന്നും തന്നെയാണ് പ്രതിയെയും പൊലീസ് കണ്ടെത്തിയത്. പോസ്‌കോ നിയമ പ്രകാരം ഇയാള്‍ക്കെതിരെ കേസെടുത്തിട്ടുണ്ടെന്നും പോലീസ് സൂപ്രണ്ട് അഖിലേഷ് കുമാർ ചൗരസ്യ പറഞ്ഞു.