ലണ്ടനില്‍ കോമണ്‍വെല്‍ത്ത് സമ്മേളനത്തില്‍ പങ്കെടുക്കാനായി എത്തിയപ്പോള്‍ 'താങ്കളുടെ പ്രസരിപ്പന്റെ രഹസ്യം എന്താണെന്ന ചോദ്യത്തിന് ഇന്ത്യന്‍ പ്രധാനമന്ത്രി നരേന്ദ്രമോഡി നല്‍കിയ ഉത്തരം ഏറെ കയ്യടി നേടി. 'കഴിഞ്ഞ 20 വര്‍ഷമായി എല്ലാ ദിവസവം ഒന്നു രണ്ടു കിലോ ചീത്തവിളി കേള്‍ക്കാറുണ്ട്. അതാകാം എന്റെ പ്രസരിപ്പിന്റെ രഹസ്യമെന്നായിരുന്നു മോദി പ്രതികരിച്ചത്.

വെസ്റ്റ് മിനിസ്റ്ററിലെ സെന്‍ട്രല്‍ ഹാളില്‍ മണിക്കൂറോളമാണ് പരിപാടി നടന്നത്. സെന്‍സര്‍ ബോര്‍ഡ് അധ്യക്ഷന്‍ പ്രസൂണ്‍ ജോഷി ആയിരുന്നു പരിപാടിയുടെ മോഡറേറ്റര്‍. താന്‍ ഉഷാറായിരിക്കുന്നതിന് പല കാരണങ്ങള്‍ ഉണ്ടെന്നും ദിവസവും ഒന്നു രണ്ടു കിലോ ചീത്ത കേള്‍ക്കാറുണ്ടെന്നും ചിരിച്ചുകൊണ്ട് മോഡി പറഞ്ഞപ്പോള്‍ സദസ്സ് പൊട്ടിച്ചിരിച്ചുകൊണ്ട് നിലയ്ക്കാത്ത കയ്യടി നല്‍കി. 

ആ കമറ്റ് അങ്ങ് ലണ്ടനില്‍ ക്ലിക്കായെങ്കിലും ഇന്ത്യയില്‍ വിവാദമാവുകയാണ്. ഇന്ത്യയിലെ ജനങ്ങള്‍ തന്നെ ചീത്ത വിളിക്കുകയാണെന്ന് മോഡി തുറന്നു സമ്മതിക്കുന്നുണ്ട്. എന്നാല്‍ ആ പ്രതികരണത്തിനിടെയുള്ള മോദിയുടെ ചിരി ഇന്ത്യയിലെ ജനങ്ങളെ കളിയാക്കുന്നതല്ലേ എന്ന വിമയര്‍ശനവും ഉയരുന്നുണ്ട്.

എല്ലാം മോഡിയുടെ വെറും വാഹകമടിയും അഭിനയവുമാണെന്നും ആയിരുന്നു മറ്റൊരു കൂട്ടരുടെ പ്രതികരണം. ഇത്തരത്തില്‍ ചീത്തവിളി കേള്‍ക്കുന്നുണ്ടെങ്കില്‍ എന്തുകൊണ്ട് ജനങ്ങളുടെ അതൃപ്തിയെ ഗൗരവമായി കാണുന്നില്ലെന്നും അവര്‍ ചോദിക്കുന്നു.