കോടികളുടെ സ്വത്തും സിഎ ഡിഗ്രിയും ഉപേക്ഷിച്ച്‌ ഒരുകോടീശ്വര യുവാവ് കൂടി ജൈന സന്യാസത്തിലേക്ക്. മുംബൈ കേന്ദ്രീകരിച്ച്‌ പ്രവര്‍ത്തിക്കുന്ന ബിസിനസ് കുടുംബത്തിലെ 24 കാരനായ മോക്ഷേഷ് ഷേത്ത് സര്‍വസംഗ പരിത്യാഗിയായി ജൈനസന്യാസിയായത്. അന്യം നിന്ന് പോകാറായ ജൈനമതം വീണ്ടും വളർന്നുവരുന്നു എന്നതിന് ഉദാഹരണമാണ് ഇത്.

ഡമയമണ്ട്, മെറ്റല്‍, പഞ്ചസാര വ്യവാസായങ്ങള്‍ നടത്തുന്ന ജെകെ കോര്‍പറേഷന്റെ ഉടമകളുടെ കുടുംബത്തിലുള്ള യുവാവാണ് മോക്ഷേഷ് ഷേത്ത്. വിനയാന്വിതനായ ഒരുവിദ്യാര്‍ത്ഥിയായി ജൈനമതത്തിലേക്ക് കടന്നു ചെല്ലാനാണ് താന്‍ ആഗ്രഹികകുന്നതെന്ന് മോക്ഷേഷ് വ്യക്തമാക്കി.

വ്യവഹാര ലോകത്തില്‍ നിന്നുംതനിക്ക് കണ്ടെത്താന്‍ സാധിക്കാത്ത ആന്തരികമായ സമാധാനം ജൈനമതത്തില്‍ നിന്നാണ് തനിക്ക് ലഭിച്ചിരിക്കുന്നതെന്നും അതിനാലാണ് ഈ പാത പിന്തുടരാന്‍ തീരുമാനിച്ചിരിക്കുന്നതെന്നും മോക്ഷേഷ് വിശദീകരിക്കുന്നു. തനിക്ക് മാത്രം സന്തോഷം ലഭിക്കുന്നതിന് പകരം ഏവര്‍ക്കും സന്തോഷം ലഭിക്കാനാണ് താന്‍ ആഗ്രഹിക്കുന്നതെന്നും അതിനാണ് ഈ ത്യാഗത്തിന്റെ പാത തെരഞ്ഞെടുത്തിരിക്കുന്നതെന്നും മോക്ഷേഷ് വിവരിക്കുന്നു.

പഠിത്തത്തില്‍ മിടുക്കനായ മോക്ഷേഷ് വാകേഷ് വറിലെ മാനവ് മന്ദിര്‍ സ്‌കൂളില്‍ പഠിക്കുമ്പോള്‍ പത്താം ക്ലാസില്‍ 93.38 ശതമാനം മാര്‍ക്കും പ്ലസ്ടുവിന് 85 ശതമാനം മാര്‍ക്കും കരസ്ഥമാക്കിയിരുന്നു. കോമേഴ്സ് ഗ്രാജ്വേഷനായി എച്ച്‌ആര്‍കോളജില്‍ ചേര്‍ന്ന് മോക്ഷേഷ് അതേസമയം സിഎപഠനവും നടത്തിയിരുന്നു. തുടര്‍ന്ന് കുടുംബത്തിന്റെ ഉടമസ്ഥതയിലുള്ള സാന്‍ഗ്ലിയിലെ മെറ്റല്‍ വ്യവസായത്തില്‍ ചേര്‍ന്ന് പ്രവര്‍ത്തിക്കുകയും ചെയ്തിരുന്നു. അപ്പോഴൊക്കെ ആത്മീയമായ കാര്യങ്ങളില്‍ മുഴുകിയിരുന്നു മോക്ഷേഷ് സന്യാസിയാകാനുള്ള ആഗ്രഹം ആദ്യമായി പ്രകടിപ്പിച്ചിരുന്നത് എട്ട് വര്‍ഷങ്ങള്‍ക്ക് മുമ്പായിരുന്നു. എന്നാല്‍ വിദ്യാഭ്യാസം പൂര്‍ത്തിയാക്കാനും ലോകത്തെക്കുറിച്ച്‌ പരിചയം ഉണ്ടാക്കിയെടുക്കാനുമായി ആദ്യംസമയം ചെലവഴിക്കുകയായിരുന്നു.

ആധുനിക കാലഘട്ടത്തിൽ ജൈന മതത്തിന്റെ സ്വാധീനം നേർത്തതാണെങ്കിലും ഈ മതവിഭാഗം ഇന്ത്യയുടെ സാംസ്കാരിക പൈതൃകത്തിനു നൽകിയ സംഭാവനകൾ ചെറുതല്ല. അഹിംസയിലൂന്നിയ ജൈനമത സിദ്ധാന്തങ്ങൾ ബുദ്ധമതത്തോടൊപ്പം മഹാത്മാ ഗാന്ധിയെപ്പോലുള്ള ചിന്തകന്മാരെ സ്വാധീനിച്ചിട്ടുണ്ട്‌. നാൽപതു ലക്ഷത്തോളം അനുയായികളുള്ള ജൈനമതം പ്രധാനമായും കർണാടകം, മഹാരാഷ്ട്ര, ഗുജറാത്ത്‌, രാജസ്ഥാൻ എന്നീ ഇന്ത്യൻ സംസ്ഥാനങ്ങളിലാണ്‌ സാന്നിധ്യമറിയിക്കുന്നത്‌.