തമിഴ്നാട്ടില്‍ ഒാടുന്ന ട്രെയിനില്‍ വച്ച്‌ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിക്കാൻ ശ്രമിച്ച ബി.ജെ .പി നേതാവ് അറസ്റ്റില്‍
തമിഴ്നാട്ടില്‍ ഒാടുന്ന ട്രെയിനില്‍ വച്ച്‌ പ്രായപൂര്‍ത്തിയാകാത്ത പെണ്‍കുഞ്ഞിനെ പീഡിപ്പിച്ച ബി.ജെ.പി നേതാവ് അറസ്റ്റില്‍. അഭിഭാഷകന്‍ കൂടിയായ കെ.പി പ്രേം ആനന്ദാണ് അറസ്റ്റിലായത്. ബെര്‍ത്തില്‍ ഉറങ്ങുകയായിരുന്ന പെണ്‍കുഞ്ഞിനു നേരെ ഇയാൾ ലൈംഗികാതിക്രമം നടത്തുകയായിരുന്നു. കുട്ടി ബഹളം വെച്ചതോടെ രക്ഷിതാക്കള്‍ ഉണര്‍ന്ന് ഇയാളെ പിന്തുടര്‍ന്ന് പിടികൂടുകയായിരുന്നു.
തിരുവനന്തപുരം-ചെന്നൈ എക്സ്പ്രസ് ട്രെയിനില്‍ വെച്ചാണ് പെണ്‍കുട്ടിക്കു നേരെ പീഡനശ്രമം ഉണ്ടായത്. തുടര്‍ന്ന് പെണ്‍കുട്ടിയുടെ കുടുംബത്തിന്റെ പരാതിയില്‍ ഇൗറോഡ് പൊലീസ് പ്രേം ആനന്ദിനെതിരെ പോക്സോ ആക്ട് പ്രകാരം കേസെടുത്തിരുന്നു. അറസ്റ്റിലായ പ്രേം ആനന്ദിനെ ജുഡീഷ്യല്‍ കസ്റ്റഡിയില്‍ വിട്ടു. 2006 നിയമസഭാ തെരഞ്ഞെടുപ്പില്‍ ആര്‍.കെ നഗര്‍ മണ്ഡലത്തില്‍ ബി.ജെ.പി സ്ഥാനാര്‍ഥിയായി മത്സരിച്ചിരുന്നു.
https://www.facebook.com/Malayalivartha
