തിരക്കേറിയ നഗരത്തിൽ മോഡലിനു നേരെ ലൈംഗീകാതിക്രമം ; വസ്ത്രങ്ങൾ ഉയർത്തി ലൈംഗീക ചുവയുള്ള വർത്തമാനം ; നിലത്തുവീണ യുവതിക്ക് സഹായവുമായി എത്തിയത് വൃദ്ധൻ
തിരക്കേറിയ നഗരത്തിൽ മോഡലിനു നേരെ അപമാന ശ്രമം. ആക്ടീവയില്‍ സഞ്ചരിക്കുകയായിരുന്ന ഇന്‍ഡോര്‍ സ്വദേശിയായ ആകര്‍ഷി ശര്‍മയെയാണ് അപരിചിതരായ രണ്ടുപേർ അപമാനിക്കാന്‍ ശ്രമിച്ചത്. സ്‌കൂട്ടറില്‍ യാത്രചെയ്യവേ തനിക്കുണ്ടായ ദുരനുഭവം ട്വിറ്ററിലൂടെ മോഡല്‍ പങ്കുവെക്കുകയായിരുന്നു .
ട്വീറ്റ് ഇങ്ങനെ,
‘തിരക്കേറിയ നഗരത്തില്‍കൂടി സ്‌കൂട്ടറില്‍ പോകുമ്പോള്‍ രണ്ടുപേര്‍ തന്നെ ആക്രമിക്കുകയായിരുന്നു. ആക്ടീവയില്‍ ഇരിക്കുകയായിരുന്ന എന്റെ വസ്ത്രം അവര്‍ ഉര്‍ത്തി. ‘അടിയില്‍ എന്താണുള്ളതെന്ന് കാണട്ടെ’ എന്നു പറഞ്ഞുകൊണ്ടായിരുന്നു ഇത്. അവരെ തടയാന്‍ ശ്രമിക്കുന്നതിനിടയില്‍ സ്‌കൂട്ടറിന്റെ നിയന്ത്രണം നഷ്ടപ്പെട്ട് ഞാന്‍ മറിഞ്ഞു വീണു’- അപകടത്തില്‍ സംഭവിച്ച പരിക്കിന്റെ ചിത്രങ്ങള്‍ അടക്കം ട്വീറ്റ് ചെയ്തുകൊണ്ട് അവര്‍ പറഞ്ഞു.
സംഭവം നടന്നത് തിരക്കേറിയ പാതയിലായിരുന്നെങ്കിലും ആരുംതന്നെ ഇതില്‍ ഇടപെട്ടില്ലെന്നും ആകര്‍ഷി ശര്‍മ പറയുന്നു. അക്രമികള്‍ ഉടന്‍ തന്നെ സ്ഥലത്തുനിന്ന് രക്ഷപ്പെട്ടു. ഇതിനിടയില്‍ അക്രമികളുടെ വാഹനത്തിന്റെ നമ്പര്‍ ശ്രദ്ധിക്കാന്‍ പോലും സാധിച്ചില്ല.
അതേസമയം സ്‌കൂട്ടര്‍ മറിഞ്ഞ് നിലത്തുവീണ ആകര്‍ഷിക്ക് സഹായത്തിനായി എത്തിയത് പ്രായംചെന്ന ഒരാള്‍ മാത്രമായിരുന്നു. തന്റെ വസ്ത്രധാരണം മൂലമാണ് ഇങ്ങനെയെല്ലാം സംഭവിച്ചതെന്ന് അയാള്‍ പറഞ്ഞതായും ആകര്‍ഷി പറയുന്നു. എന്നാൽ എന്തു ധരിക്കണമെന്നത് തീരുമാനിക്കുന്നത് താനാണെന്നും വസ്ത്രധാരണത്തിന്റെ പേരില്‍ തന്നെ ഉപദ്രവിക്കാന്‍ ആര്‍ക്കും അധികാരമില്ലെന്നും ആകര്‍ഷി വ്യക്തമാക്കി.
https://www.facebook.com/Malayalivartha
