കോണ്‍ഗ്രസ്സ് അദ്ധ്യക്ഷന്‍ രാഹുല്‍ ഗാന്ധിയെ പരിഹസിച്ചു മുന്‍ കേന്ദ്ര മന്ത്രിയും,സുപ്രീം കോടതി മുതിര്‍ന്ന അഭിഭാഷകനുമായ റാം ജഠ്മലാനി. രാഹുല്‍ ഗാന്ധി വെറും കുട്ടിയാണെന്നും,രാജ്യത്തിന്റെ ചരിത്രപരമായ കാര്യങ്ങളില്‍ അഭിപ്രായം പറയാനുള്ള യോഗ്യതയില്ലന്നും അദ്ദേഹം പറഞ്ഞു. ഇനി അത്തരത്തില്‍ അഭിപ്രായ പ്രകടനങ്ങള്‍ നടത്തിയാലും അതൊക്കെ അവഗണിച്ചേക്കണമെന്നും റാം ജഠ്മലാനി പറഞ്ഞു.

വ്യക്തമായ കാരണങ്ങള്‍ ഉള്ളതുകൊണ്ടു തന്നെയാണ് ഉപരാഷ്ട്രപതി ഇംപീച്ച്‌മെന്റ് നീക്കത്തെ എതിര്‍ത്തതെന്ന് ഇംപീച്ച്‌മെന്റ് നീക്കത്തിനെ ശക്തിയായ വിമര്‍ശിച്ചു കൊണ്ട് അദ്ദേഹം പറഞ്ഞു. നിയമ വിദഗ്ദ്ധരുമായുള്ള ചര്‍ച്ചകള്‍ക്ക് ശേഷമാണ് ഇംപീച്ച്‌മെന്റ് നോട്ടീസ് ഉപരാഷ്ട്രപതി തള്ളിയത്. രാജ്യസഭ ചട്ടങ്ങള്‍ ലംഘിച്ചാണ് നോട്ടീസ് നല്‍കിയതെന്നും, നോട്ടീസിൽ ഉന്നയിച്ച ആരോപണങ്ങള്‍ക്ക് തെളിവില്ലെന്നും വെങ്കയ്യ നായിഡു വിശദീകരിച്ചിരുന്നു.