പ്രായപൂര്ത്തിയാകാത്ത വിദ്യാര്ത്ഥിനിക്ക് അശ്ലീല വീഡിയോ അയച്ച വൈദികനായ വൈസ്പ്രിന്സിപ്പല് ജയിലിലായി; അറസ്റ്റ് ചെയ്തത് പോസ്ക്കോ നിയമപ്രകാരം
വിദ്യാര്ത്ഥിനികള്ക്ക് പതിവായി അശ്ലീല എസ്.എം.എസ് അയച്ചിരുന്ന വൈദികന് റിമാന്ഡില്. രാജസ്ഥാനിലെ അല്വാര് സെന്റ് ആന്സ്ലേം ഹയര് സെക്കന്ഡറി സ്കൂള് വൈസ്പ്രിന്സിപ്പല് കൂടിയായ ഫാദര് ജോര്ജ്ജിഷ് ബ്രിട്ടോയാണ് അഴിക്കുള്ളിലായത്. ഒരു പെണ്കുട്ടിയുടെ മാതാപിതാക്കള് നല്കിയ പരാതിയെ തുടര്ന്നാണ് വൈസ് പ്രിന്സിപ്പലിനെതിരെ കേസെടുത്തത്. അടുത്തമാസം അഞ്ചു വരെയാണ് റിമാന്ഡ് ചെയ്തത്. അശ്ലീല മെസേജുകളും വീഡിയോകളുമാണ് ഇയാള് അയച്ചിരുന്നത്. കുട്ടിയുടെ മാതാപിതാക്കള് യാദൃച്ഛികമായി ഇത് കണ്ടതോടെ സ്കൂളിനും പൊലീസിനും പരാതി നല്കുകയായിരുന്നു.
അതേസമയം സഭാ സ്ഥാപനത്തെ അപകീര്ത്തിപ്പെടുത്താനാണ് പരാതി നല്കിയതെന്നും തുടര്ന്നാണ് പൊലീസ് നിയമനടപടി സ്വീകരിച്ചതെന്നും വികാരി ജനറല് ഫാദര് എഡ്വേര്ഡ് ഒലിവേറിയ പറഞ്ഞു. രക്ഷിതാക്കള് പരാതി നല്കിയപ്പോള് തന്നെ വൈദികനെതിരെ വിശ്വഹിന്ദു പരിഷത്തിന്റെ നേതൃത്വത്തില് ഏപ്രില് 18ന് സ്കൂളിനു മുന്നില് പ്രതിഷേധ ധര്ണ നടന്നിരുന്നു. പോസ്കോ നിയമപ്രകാരമാണ് വൈദികനെ അറസ്റ്റ് ചെയ്തിരിക്കുന്നത്. ആരോപണം കെട്ടിച്ചമച്ചതാണെന്നാണ് സഭയുടെ നിലപാട്. ബി.ജെ.പി ഭരിക്കുന്ന സംസ്ഥാനങ്ങളില് െ്രെകസ്തവ വിദ്യാഭ്യാസ സ്ഥാപനങ്ങള് കടുത്ത വെല്ലുവിളി നേരിടുന്നുണ്ടെന്നും അവര് ആരോപിക്കുന്നു.
https://www.facebook.com/Malayalivartha
