സുപ്രീംകോടതി ജഡ്ജി നിയമനത്തില്‍ മുതിര്‍ന്ന ജഡ്ജിമാര്‍ക്ക് അതൃപ്തി. സുപ്രീംകോടതി ജഡ്ജിയായി ഇന്ദു മല്‍ഹോത്രയെ മാത്രം നിയമിച്ചതിലാണ് അതൃപ്തി. കൊളീജിയത്തിലെ ജഡ്ജിമാരും ഇക്കാര്യത്തില്‍ അതൃപ്തി പ്രകടിപ്പിച്ചു..കൊളീജിയത്തിന്റെ ശിപാര്‍ശ ഉണ്ടായിട്ടും ഉത്തരാഖണ്ഡ് ചീഫ് ജസ്റ്റീസ് കെ.എം. ജോസഫിനെ സുപ്രീംകോടതി ജഡ്ജിയായി നിയമിച്ചില്ല. ഇതോടെയാണ് ജഡ്ജിമാര്‍ രംഗത്തെത്തിയത്. 

അദ്ദേഹത്തിന്റെ പേരിനൊപ്പം കൊളീജിയം ശിപാര്‍ശ ചെയ്ത മുതിര്‍ന്ന അഭിഭാഷക ഇന്ദു മല്‍ഹോത്രയെ ബുധനാഴ്ചയാണ് സുപ്രീംകോടതി ജഡ്ജിയായി നിയമിച്ചത്. ഇന്ദു മല്‍ഹോത്രയുടെ സത്യപ്രതിജ്ഞ നടത്തരുതെന്ന് അഭിഭാഷക ഇന്ദിരാ ആവശ്യപ്പെട്ടു. ഫുള്‍ കോര്‍ട്ട് വിളിക്കണമെന്ന് ജഡ്ജിമാര്‍ വീണ്ടും ആവശ്യപ്പെട്ടു. 

അതേസമയം ജസ്റ്റീസ് കെ.എം. ജോസഫിന്റെ നിയമനം തള്ളിയിട്ടില്ലെന്നാണ് കേന്ദ്രസര്‍ക്കാര്‍ വൃത്തങ്ങള്‍ നല്‍കുന്ന സൂചന. ഉചിതമായ സമയത്ത് ഇക്കാര്യം പരിഗണിക്കുമെന്നും റിപ്പോര്‍ട്ടുകള്‍ ഉണ്ട്.