കേന്ദ്രത്തിലെ ബി.ജെ.പി സര്ക്കാരിന്റെ നേട്ടങ്ങള് എണ്ണിപ്പറഞ്ഞും കോണ്ഗ്രസിനെ രൂക്ഷമായി വിമര്ശിച്ചും പ്രധാനമന്ത്രി നരേന്ദ്ര മോദി രംഗത്ത്
കേന്ദ്രത്തിലെ ബി.ജെ.പി സര്ക്കാരിന്റെ നേട്ടങ്ങള് എണ്ണിപ്പറഞ്ഞും കോണ്ഗ്രസിനെ രൂക്ഷമായി വിമര്ശിച്ചും പ്രധാനമന്ത്രി നരേന്ദ്ര മോദി രംഗത്ത്. സംസ്ഥാനങ്ങളുടെ വികസനത്തിനാണ് കേന്ദ്ര സര്ക്കാര് ഊന്നല് നല്കുന്നതെന്ന് മോദി പറഞ്ഞു. മേയ് 12ന് തിരഞ്ഞെടുപ്പ് നടക്കുന്ന കര്ണാടകയില് നമോ ആപ്പിലൂടെ പ്രവര്ത്തകരെ അഭിവാദ്യം ചെയ്യുകയായിരുന്നു മോദി.
കര്ണാടകയിലെ കോണ്ഗ്രസ് സര്ക്കാര് ജാതിയുടേയും മതത്തിന്റേയും പേരു പറഞ്ഞാണ് അധികാരത്തില് എത്തിയത്. ഇത്തവണയും അവര് അതേ രീതിയാണ് അവലംബിക്കുന്നത്. ജാതി മത സമവാക്യങ്ങള് ഉയര്ത്തിക്കാട്ടുന്ന കോണ് ഗ്രസ് ജനങ്ങള്ക്ക് മുന്നില് ലോലിപോപ്പ് കാണിച്ച് വോട്ട് പിടിക്കുകയാണ്. തിരഞ്ഞെടുപ്പിന് വേണ്ടി മാത്രം ജനങ്ങളെ ഉപയോഗിക്കുകയും പിന്നീട് അവരെ പാടെ ഉപേക്ഷിക്കുകയുമാണ് കോണ്ഗ്രസ് ചെയ്യുന്നത് പാര്ട്ടി ഭാരവാഹികളോടും പ്രവര്ത്തകരോടുമായി മോദി പറഞ്ഞു.
കര്ണാടകയുടെ വികസനത്തിനായി കേന്ദ്ര സര്ക്കാര് മൂന്നിന് പരിപാടികള് ആവിഷ്കരിച്ചിട്ടുണ്ട്. വികസനം, അതിവേഗ വികസനം, എല്ലായിടത്തുമുള്ള വികസനം എന്നിവയാണവ. ഇത് യാഥാര്ത്ഥ്യമാകണമെങ്കില് കോണ്ഗ്രസ് സര്ക്കാരിനെ തൂത്തെറിഞ്ഞ് ബി.ജെ.പിയിലെ കര്ണാടകയില് തിരിച്ച് അധികാരത്തില് എത്തിക്കണമെന്നും മോദി ആഹ്വാനം ചെയ്തു.
ഇന്ത്യയിലെ മുഖ്യധാരാ രാഷ്ട്രീയം കോണ്ഗ്രസിന്റെ ദുര്വൃത്തിയും പാപവും കൊണ്ട് മലിനമായിരിക്കുകയാണ്. കോണ്ഗ്രസ് എന്ന സംസ്കാരം ഇല്ലാതായാല് മാത്രമെ ഇന്ത്യന് രാഷ്ട്രീയം ശുദ്ധീകരിക്കാനാവൂ. വികസനത്തിന്റെ പേരില് മാത്രമാണ് ബി.ജെ.പി തിരഞ്ഞെടുപ്പ് വിജയിക്കാന് ആഗ്രഹിക്കുന്നത്. ജനങ്ങളെ വിശ്വാസത്തില് എടുത്ത് മാത്രമെ കേന്ദ്ര സര്ക്കാര് പ്രവര്ത്തികയുള്ളൂ. ജനങ്ങളെ തെറ്റിദ്ധരിപ്പിച്ച് തിരഞ്ഞെടുപ്പ് വിജയിക്കാന് ബി.ജെ.പിക്ക് ലക്ഷ്യമില്ലെന്നും മോദി പറഞ്ഞു.
https://www.facebook.com/Malayalivartha