ഡല്‍ഹിയില്‍ നടന്ന എ.ടി.എം കവര്‍ച്ചക്കിടെ രണ്ട്​ പേര്‍ വെടിയേറ്റ് മരിച്ചതായി റിപ്പോർട്ടുകൾ. എ.ടി.എമ്മില്‍ പണം നിറയ്ക്കാനെത്തിയ വാനിന്റെ സെക്യൂരിറ്റി ജീവനക്കാരനും കാഷ്യറുമാണ് വെടിയേറ്റ് മരിച്ചത്. പണം നിറയ്ക്കാനെത്തിയ ഇവരെ മോട്ടോർ സൈക്കിളിലെത്തിയ രണ്ടു പേർ കൊലപ്പെടുത്തുകയും വാനിലുണ്ടായിരുന്നു 11 ലക്ഷവുമായി കടന്നു കളയുകയുമായിരുന്നു.

നോര്‍ത്ത്​ ഡല്‍ഹിയിലെ നരേലയിലാണ് വ്യാഴാഴ്​ച ഉച്ചയോടെ ​ഇത്തരത്തിലൊരു സംഭവം അരങ്ങേറിയത്. വാനിലുണ്ടായിരുന്നവരുടെ നേരെ അക്രമികള്‍ 20 തവണ വെടിവെച്ചുവെന്ന്​ പൊലീസ് അറിയിച്ചു. ഒരാഴ്​ചക്കിടെ ഇത്​ രണ്ടാം തവണയാണ്​ ഡല്‍ഹിയില്‍ എ.ടി.എമ്മില്‍ കവര്‍ച്ച ശ്രമമുണ്ടായത്​. ചൊവ്വാഴ്​ച്ച എ.ടി.എമ്മില്‍ പണം നിറക്കുന്നതിനിടെ അക്രമികള്‍ സുരക്ഷ ഗാര്‍ഡിനെയും മറ്റ്​ ജീവനക്കാര്‍ക്കെതിരെയും വെടിയുതിര്‍ത്തിരുന്നു.