ബ്രഹ്മജ്ഞാനികള്‍ ബലാത്സംഗം ചെയ്താല്‍ പാപമില്ലെന്നാണ് ആശാറാം ബാപ്പു
ബ്രഹ്മജ്ഞാനികള്‍ ബലാത്സംഗം ചെയ്താല്‍ പാപമില്ലെന്നാണ് ആശാറാം ബാപ്പു അവകാശപ്പെട്ടിരുന്നതെന്നു മുന്‍അനുയായി. ആശാറാം ബാപ്പുവിനെതിരേ പ്രോസിക്യൂഷന്‍ ഹാജരാക്കിയ രാഹുല്‍ കെ. സച്ചാര്‍ എന്ന സാക്ഷി വിചാരണക്കോടതിക്കുമുമ്പാകെ നല്‍കിയ മൊഴികളിലാണ് ഇക്കാര്യം രേഖപ്പെടുത്തിയിരിക്കുന്നത്.
കൗമാരക്കാരിയെ ബലാത്സംഗത്തിനിരയാക്കിയ കുറ്റത്തിന് ജോധ്പുര്‍ പ്രത്യേക കോടതി ആശാറാം ബാപ്പുവിനെ ബുധനാഴ്ചയാണു മരണം വരെ തടവിനു ശിക്ഷിച്ചത്. സ്വയം പ്രഖ്യാപിത ആള്‍ദൈവമായ ആശാറാം ബാപ്പു ലൈംഗിക ഉത്തേജനത്തിനുള്ള മരുന്നുകളും കറപ്പും ഉപയോഗിക്കുമായിരുന്നുവെന്നുമുള്ള സാക്ഷിമൊഴി 453 പേജുള്ള വിധിന്യായത്തില്‍ രേഖപ്പെടുത്തിയിട്ടുണ്ട്.
ആശ്രമവുമായി അടുപ്പമുണ്ടായിരുന്ന സച്ചാറിന് ആശാറാമിന്റെ വസതിയില്‍ പ്രവേശനവുമുണ്ടായിരുന്നു. 2003ല്‍ പുഷ്‌കര്‍(രാജസ്ഥാന്‍), ഭിവാനി(ഹരിയാന), അഹമ്മദാബാദ്(ഗുജറാത്ത്) എന്നീ ആശ്രമങ്ങളില്‍വച്ച് പെണ്‍കുട്ടികളെ ആശാറാം ഉപദ്രവിക്കുന്നതായി കണ്ടു എന്നു സച്ചാര്‍ കോടതിയില്‍ ബോധിപ്പിച്ചു.
പെണ്‍കുട്ടികളെ ഉപദ്രവിക്കാന്‍ മൂന്നംഗ യുവതികളുടെ സഹായവും ആശാറാമിനുണ്ട്. അവര്‍ ആശാറാമിനൊപ്പമാണ് താമസം. ഇവര്‍ക്കൊപ്പം ആശ്രമത്തില്‍ ചുറ്റിനടന്ന് ഇരകളെ ലക്ഷ്യമിടും. ഉന്നമിടുന്ന പെണ്‍കുട്ടിക്കുനേര്‍ക്ക് ആശാറാം ടോര്‍ച്ചടിക്കും.
https://www.facebook.com/Malayalivartha
