ആശുപത്രിയില്‍ ജനറല്‍ വാര്‍ഡില്‍ അബോധാവസ്ഥയില്‍ ചികിത്സയില്‍ കഴിഞ്ഞിരുന്ന ഇരുപത്തിയേഴുകാരന്റെ കണ്ണ് എലി കരണ്ടു. യുവാവിന്റെ വലത് കണ്‍പോളയാണ് എലി കണ്ടത്. മുംബൈയിലെ ജോഗേശ്വരിയിലുള്ള ബാല്‍ താക്കറെ ട്രോമ കെയര്‍ ഹോസ്പിറ്റലിലാണ് ദാരുണ സംഭവം ഉണ്ടായത്. ഇക്കാര്യത്തില്‍ യുവാവിന്റെ പിതാവ് രാമഗുപ്ത ഈ മാസം 23 ന് പരാതിയുമായി എത്തിയപ്പോഴാണ് വാര്‍ത്ത പുറത്തായത്.

രാവിലെ മകന്റെ കണ്ണില്‍ നിന്ന് രക്തം വരുന്നതിനെ തുടര്‍ന്നാണ് ഇക്കാര്യം ശ്രദ്ധിച്ചതെന്ന് പിതാവ് പറയുന്നു.റോഡ് അപകടത്തെ തുടര്‍ന്നാണ് കോമയില്‍ കഴിയുന്ന പര്‍മീന്ദര്‍ ഗുപ്തയെ രണ്ട് ദിവസം മുമ്ബ് ഐസിയുവില്‍ നിന്നും ജനറല്‍ വാര്‍ഡിലേക്ക് മാറ്റിയത്. തലച്ചോറില്‍ രക്തം കട്ട പിടിച്ചതിനാല്‍ രോഗിക്ക് അപകടത്തിനു ശേഷം ഇതുവരെ ബോധം തിരിച്ചു കിട്ടിയിട്ടില്ല. സംഭവത്തില്‍ അന്വേഷണം ആരംഭിച്ചു.