മെട്രോയില്‍ കൈകോര്‍ത്ത് നിന്ന് സംസാരിച്ച യുവാവിനും യുവതിക്കും ക്രൂര മര്‍ദ്ദനം. അമിതമായി അടുത്ത് നിന്ന് സംസാരിച്ചു എന്ന പേരിലായിരുന്നു രണ്ട്‌പേരെയും ഒരു കൂട്ടം ആളുകള്‍ ചേര്‍ന്ന് മര്‍ദ്ദിച്ചത്.

ഇന്നലെ രാത്രി പത്തുമണിയോടെ കൊല്‍ക്കത്തയിലെ ഡം ഡം സ്‌റ്റേഷനില്‍ വച്ചായിരുന്നു മര്‍ദ്ദനം. ഇവരെ കോച്ചിന് വെളിയിലേയ്ക്ക് തള്ളിയിട്ട് ആള്‍ക്കൂട്ടം മര്‍ദ്ദിക്കുകയായിരുന്നു. മറ്റ് കോച്ചില്‍ നിന്ന് ഇറങ്ങി വന്ന ചിലര്‍ ഇവരെ രക്ഷപെടുത്താന്‍ ശ്രമിച്ചെങ്കിലും ആക്രമികള്‍ വഴങ്ങിയില്ല.

സമീപത്തുണ്ടായിരുന്ന യുവാവ് മൊബൈലില്‍ എടുത്ത ഫോട്ടോ പുറത്തായതോടെയാണ് സംഭവം പുറത്തറിയുന്നത്. മര്‍ദ്ദനമേറ്റ് അവശനായ യുവാവിനെ രക്ഷിക്കാന്‍ ശ്രമിക്കുന്ന യുവതിയുടെ ദൃശ്യങ്ങളാണ് പുറത്ത് വന്നിരിക്കുന്നത്.