ഒന്നിനുപുറകെ മറ്റൊന്നായി ബിജെപി മന്ത്രിമാരുടെ വിടുവായത്തരം. യു.പി മുഖ്യമന്ത്രി യോഗി ആദിത്യനാഥിനെയും മന്ത്രിമാരെയും ശ്രീരാമനോട്​ ഉപമിച്ച്‌​ ബി.ജെ.പി മന്ത്രി. മുഖ്യമന്ത്രിയുടെ നേതൃത്വത്തില്‍ മന്ത്രിമാര്‍ 2019 ലെ ലോക്​ സഭാ തെരഞ്ഞെടുപ്പിനു മുന്നോടിയായി ദലിത്​ ഗൃഹങ്ങള്‍ സന്ദര്‍ശിക്കുന്നതിനെയാണ് രാമന്റെ ശബരീഗൃഹ സന്ദര്‍ശനത്തോട്​ യു.പി മന്ത്രി രാജേന്ദ്ര പ്രതാപ്​ സിങ്​ ഉപമിച്ചത്​.

ഭഗവാന്‍ ശ്രീരാമന്‍ ശബരിയെ അനുഗ്രഹിച്ചത്​ അവള്‍ നല്‍കിയ പഴങ്ങള്‍ കഴിച്ചായിരുന്നു. അതുപോലെ ദലിതുകളുടെ വീടുകള്‍ സന്ദര്‍ശിച്ച്‌​ ബി.ജെ.പി നേതാക്കള്‍ അവരെ അനുഗ്രഹിക്കുകയാണെന്ന്​ രാജേന്ദ്ര പ്രതാപ്​ സിങ് പറഞ്ഞു. താന്‍ ക്ഷത്രിയനാണ്​. സമൂഹത്തി​​െന്‍റ സുരക്ഷക്കായി പ്രവര്‍ത്തിക്കുക എന്നത്​ തന്റെ രക്തത്തിലുള്ളതാണ്​. തങ്ങള്‍ക്ക്​ മാര്‍ഗ നിര്‍ദേശം നല്‍കുന്നതിന്​ പ്രധാനമന്ത്രി നരേ​ന്ദ്രമോദിയോട്​ നന്ദി പറയുന്നുവെന്നും പ്രതാപ്​ സിങ്​ പറഞ്ഞു.

ത്രിപുര മുഖ്യമന്ത്രി ബിപ്ലബ് കുമാര്‍ ദേബിനും ഗുജറാത്ത് സ്പീക്കര്‍ രാജേന്ദ്ര ത്രിവേദി തുടങ്ങിയ ബിജെപി നേതാക്കൾ വിടുവായത്തരം പറഞ്ഞത് വിവാദമായിരുന്നു.