അഹമ്മദാബാദിലെ ഐ.എസ്​.ആര്‍.ഒ കേന്ദ്രത്തിൽ തീപിടിത്തമുണ്ടായതായി റിപ്പോർട്ടുകൾ. ഇന്ന്​ ഉച്ചയോടെ മിഷ്യനറി ഡിപ്പാര്‍ട്ട്മെന്റിലാണ്​ തീപിടിത്തമുണ്ടായത്​. അപകടത്തിൽ ആർക്കും പരിക്കേറ്റതായി റിപ്പോർട്ടുകളില്ല.

ഐ.എസ്​.ആര്‍.ഒയുടെ പ്രമുഖമായ ഗവേഷണ കേന്ദ്രങ്ങളിലൊന്നാണ്​ അഹമ്മദാബാദിലേത്​. അതേസമയം തീപിടിത്തമുണ്ടായ ഉടൻ ഐ.എസ്​.ആര്‍.ഒയുടെ ഗവേഷണ കേന്ദ്രം ഒഴിപ്പിച്ചു.

തീയണക്കുന്നതിനായി 25 ഫയർഫോഴ്​സ്​ യൂണിറ്റുകളും രക്ഷാപ്രവർത്തനത്തിനായി 10 ആംബുലൻസുകളും സംഭവസ്ഥലത്തെത്തി. ഏകദേശം രണ്ട്​ മണിക്കൂർ നീണ്ട പരിശ്രമത്തിലൊടുവിലാണ്​ തീയണക്കാൻ ആയതെന്ന്​ ഫയർഫോഴ്​സ്​ ഒാഫീസർ രാജേഷ്​ ഭട്ട്​ പറഞ്ഞു. അതേസമയം ഇപ്പോൾ തീ നിയന്ത്രണ വിധേയമാണ്​.