കര്‍ണാടകയിലെ ബി.ജെ.പി സിറ്റിംഗ് എം.എല്‍.എ ബി.എന്‍.വിജയകുമാര്‍ (59) നിര്യാതനായി. ഹൃദയാഘാതത്തെ തുടര്‍ന്ന് ബംഗളൂരുവിലെ ആശുപത്രിയില്‍ വച്ചായിരുന്നു അദ്ദേഹത്തിന്റെ അന്ത്യം. മേയ് 12ന് തിരഞ്ഞെടുപ്പ് നടക്കുന്ന കര്‍ണാടകയിലെ ജയനഗറില്‍ നിന്ന് വീണ്ടും ജനവിധി തേടുകയായിരുന്നു.

ഇന്നലെ ജയനഗറില്‍ തിരഞ്ഞെടുപ്പ് പ്രചരണത്തിനിടെ ദേഹാസ്വാസ്ഥ്യം അനുഭവപ്പെടുകയും കുഴഞ്ഞ് വീഴുകയുമായിരുന്നു. തുടര്‍ന്ന് അദ്ദേഹത്തെ ജയദേവ ഇന്‍സ്റ്റിറ്റിയൂട്ട് ഒഫ് കാര്‍ഡിയോളജിയില്‍ പ്രവേശിപ്പിച്ചെങ്കിലും മരണം സംഭവിച്ചു.