ദേശീയ ഫിലിം അവാര്‍ഡ് ദാന ചടങ്ങ് വിവാദമാക്കിയതില്‍ കടുത്ത അതൃപ്തി പ്രകടിപ്പിച്ച് രാഷ്ട്രപതി 55 അവാര്‍ഡ് ജേതാക്കള്‍ ചടങ്ങ് ബഹിഷ്‌ക്കരിക്കാനിടയായതും രാഷ്ട്രപതി ഭവനെ വിവാദത്തില്‍ വലിച്ചിഴച്ചതിലെ അതൃപ്തി രാഷട്രപതി പ്രധാനമന്തി ഓഫീസിനെയും അറിയിച്ചിട്ടുണ്ട്. വകുപ്പ് മന്ത്രി സ്മൃതി ഇറാനി രാഷട്രപതിയെ നേരിട്ട് കണ്ട് വിശദീകരണം നല്‍കുമെന്നാണ് സൂചന.

രാഷട്രപതി നേരിട്ട് അവാര്‍ഡ് നല്‍കാതത്തില്‍ 55 ജേതാക്കള്‍ ചടങ്ങ് ബഹിഷ്‌ക്കരിച്ച നടപടിയില്‍ കേന്ദ്ര വാര്‍ത്താ പ്രക്ഷേപണ മന്ത്രാലയത്തിന്റെ നിലപാടിലുള്ള തന്റെ അതൃപ്തി രാഷട്രപതി രാം നാഥ് കോവിന്ദ് പ്രകടിപ്പിച്ചു. ചടങ്ങ് സ്ഥിരം വേദിയായ രാഷ്ട്രപതി ഭവനില്‍ നിന്ന് വിജ്ഞാന്‍ ഭവനിലേക്ക് മാറ്റിയതും വാര്‍ത്താ ക്ഷേപണ വകുപ്പിന്റെ നിര്‍ദ്ദേശ പ്രകാരമാണ്

ഒരു മണിക്കൂര്‍ മാത്രമെ രാഷ്ട്രപതി ചടങ്ങില്‍ പങ്കെടുക്കുക ഉള്ളൂ എന്ന് മാത്രമാണ് രാഷപ തി ഭവന്‍ അറിയിച്ചത്
മെയ് ഒന്നിന് രേഖ മൂലവും മെയ് 10ന് രാഷ്ട്രപതി നേരിട്ടും ഇക്കാര്യം വകുപ്പ് മന്ത്രിയെയും സെക്രട്ടറിയെയും അറിയിച്ചിരുന്നു. അവാര്‍ഡ് ജേതാക്കളെ ചടങ്ങ് സംബന്ധിച്ച വിവരങ്ങള്‍ അറിയിക്കുന്നതില്‍ മന്ത്രാലയം വരുത്തിയ വീഴ്ചയാണ് വിവാദങ്ങള്‍ക്ക് ഇടയാക്കിയതെന്നും രാഷ്ട്രപതി ഭവന്‍ വക്താവ് അശോക് മാലിക് വൃക്തമാക്കി. ചടങ്ങിന്റെ പൂര്‍ണ്ണ ചുമതല ഐ ആന്റ് ബി ആയിരുന്നു അദ്ദേഹം കൂട്ടിച്ചേര്‍ത്തു