ത്രിപുരയില്‍ മൂന്ന് സഹപ്രവര്‍ത്തകരെ വെടിവച്ചു കൊന്ന ശേഷം ബി.എസ്.എഫ് ജവാന്‍ ആത്മഹത്യ ചെയ്തു. അഗര്‍ത്തലയില്‍ നിന്ന് 180 കിലോമീറ്റര്‍ അകലെ ഉനകോട്ടിലെ മഗുരുളി ഔട്ടോപോസ്റ്റില്‍ ഇന്ന് പുലര്‍ച്ചെ ഒരു മണിയോടെയാണ് സംഭവം നടന്നത്. സ്‌പെഷ്യല്‍ ബ്രാഞ്ച് എസ്.പി ശങ്കര്‍ ദേബ്‌നാഥാണ് ഹെഡ് കോണ്‍സ്റ്റബിള്‍ അടക്കം മൂന്ന് പേരെ വെടിവച്ചു കൊന്ന ശേഷം സര്‍വീസ് തോക്ക് ഉപയോഗിച്ച് സ്വയം നിറയൊഴിച്ച് മരിച്ചത്.

വെടിയേറ്റ കോണ്‍സ്റ്റബിള്‍ തത്ക്ഷണം മരിച്ചു. മറ്റ് രണ്ട് പേരെ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിച്ചു. സംഭവത്തെ കുറിച്ച് വിശദമായ അന്വേഷണത്തിന് ഉത്തരവിട്ടിട്ടുണ്ട്.