കനത്ത മഴയ്ക്കും മിന്നലിനും ഇന്നും സാധ്യതയുള്ളതായി കേന്ദ്രആഭ്യന്തരമന്ത്രാലയം
രാജ്യത്തെ 13 സംസ്ഥാനങ്ങളിലും രണ്ട് കേന്ദ്ര ഭരണപ്രദേശങ്ങളിലും ഇന്നും കനത്ത മഴയ്ക്കും മിന്നലിനും സാധ്യതയുള്ളതായി കേന്ദ്ര ആഭ്യന്തരമന്ത്രാലയം അറിയിച്ചു. ജമ്മു കാഷ്മീര്‍, ഹിമാചല്‍പ്രദേശ് സംസ്ഥാനങ്ങളിലെ ഒറ്റപ്പെട്ട ചില സ്ഥലങ്ങളില്‍ ശക്തമായ കാറ്റോടും ഇടിമിന്നലോടും കൂടിയ കനത്തമഴയും ആലിപ്പഴ വര്‍ഷവുമുണ്ടാകും.
ഉത്തരാഖണ്ഡ്, പഞ്ചാബ് സംസ്ഥാനങ്ങളിലെ ചില സ്ഥലങ്ങളില്‍ ശക്തമായ കാറ്റിനും കനത്തമഴയ്ക്കും സാധ്യതയുണ്ട്. ആസാം, മേഘാലയ, നാഗാലാന്‍ഡ്, മണിപ്പുര്‍, മിസോറാം, ത്രിപുര സംസ്ഥാനങ്ങളില്‍ ശക്തമായ കാറ്റിനു സാധ്യതയുള്ളതായി കാലാവസ്ഥ വകുപ്പ് അറിയിച്ചു. ജമ്മുകാഷ്മീര്‍, ഉത്തരാഖണ്ഡ്, ഹിമാചല്‍ പ്രദേശ്, പഞ്ചാബ്, ഹരിയാന, ഛത്തീസ്ഗഡ്, ഡല്‍ഹി, പടിഞ്ഞാറന്‍ ഉത്തര്‍പ്രദേശ് എന്നിവിടങ്ങളില്‍ മിന്നലും കാറ്റുമുണ്ടാകും.
പടിഞ്ഞാറന്‍ രാജസ്ഥാനില്‍ ഇടിമിന്നലും പൊടിക്കാറ്റും ഉണ്ടാകും. ഇടിമിന്നലിലും പൊടിക്കാറ്റിലും ഇതുവരെ 124 പേരാണ് മരിച്ചത്. മുന്നൂറോളം പേര്‍ക്കു പരിക്കേറ്റു.
https://www.facebook.com/Malayalivartha
