കര്‍ണാടകയില്‍ നിയമസഭാ തെരഞ്ഞെടുപ്പിന് ദിവസങ്ങള്‍ മാത്രം ശേഷിക്കെ പതിനായിരത്തോളം വ്യാജ തിരിച്ചറിയല്‍ കാര്‍ഡ് കണ്ടെത്തി. ബംഗളൂരുവിലെ ഒരു ഫ്‌ളാറ്റില്‍നിന്നാണ് ഇത്രയധികം തെരഞ്ഞെടുപ്പ് തിരിച്ചറിയല്‍ കാര്‍ഡ് കണ്ടെത്തിയത്. സംഭവത്തില്‍ തെരഞ്ഞെടുപ്പ് കമ്മീഷന്‍ അന്വേഷണം തുടങ്ങി.തിരിച്ചറിയല്‍ കാര്‍ഡുകളെ കൂടാതെ അഞ്ച് ലാപ്‌ടോപ്പുകളും ഒരു പ്രിന്ററും ഇവിടെനിന്നും കണ്ടെടുത്തതായും റിപ്പോര്‍ട്ടുകളുണ്ട്.
അതേസമയം, രാജരാജേശ്വരി നഗര്‍ മണ്ഡലത്തിലെ വോട്ടര്‍മാരുടെ വ്യാജ തിരിച്ചറിയല്‍ കാര്‍ഡുകളാണ് കണ്ടെത്തിയിരിക്കുന്നതെന്നും ഇവിടെ തെരഞ്ഞെടുപ്പ് മാറ്റിവയ്ക്കണമെന്നും ബിജെപി ആവശ്യപ്പെട്ടു. തെരഞ്ഞെടുപ്പ് അട്ടിമറിക്കാനുള്ള കോണ്‍ഗ്രസിന്റെ ശ്രമമാണ് ഇതെന്നും കേന്ദ്രമന്ത്രി പ്രകാശ് ജാവദേക്കറും പറഞ്ഞു.