നീരവ് മോദിയും മെഹുല് ചോക്സിയും പ്രതിയായ പഞ്ചാബ് നാഷണല് ബാങ്ക് തട്ടിപ്പ് കേസില് സി.ബി.ഐ ഇന്ന് കുറ്റപത്രം സമര്പ്പിക്കും
വജ്ര വ്യവസായി നീരവ് മോദിയും അമ്മാവന് മെഹുല് ചോക്സിയും പ്രതിയായ പഞ്ചാബ് നാഷണല് ബാങ്ക് തട്ടിപ്പ് കേസില് സി.ബി.ഐ ഇന്ന് കുറ്റപത്രം സമര്പ്പിക്കും. പഞ്ചാബ് നാഷണല് ബാങ്ക് മുന് എം.ഡി ഉഷ അനന്തസുബ്രഹ്മണ്യവും കേസില് പ്രതിയാകുമെന്നാണ് സൂചന. നിലവില് അലഹാബാദ് ബാങ്കിന്റെ എം.ഡിയാണ് ഉഷ.പഞ്ചാബ് നാഷണല് ബാങ്കിന്റെ മുതിര്ന്ന മൂന്ന് ഉദ്യോഗസ്ഥര് കേസില് പ്രതിയാകുമെന്നാണ് റിപ്പോര്ട്ടുകള്.
റിസര്വ് ബാങ്കിന്റെ ചട്ടങ്ങള് പാലിക്കാത്തതിനാണ് ഇവര്ക്കെതിരെ കേസെടുത്തിരിക്കുന്നത്. നീരവ് മോദിക്കും മെഹുല് ചോക്സിക്കുമെതിരെ പ്രത്യേകം കുറ്റപത്രം ഇയാഴ്ചയോടെ സി.ബി.ഐ സമര്പ്പിക്കുമെന്നാണ് വിവരം.പി.എന്.ബിയുടെ മുന് ഡെപ്യൂട്ടി ജനറല് മാനേജര് ഗോകുല്നാഥ് ഷെട്ടി, ഏകജാലകം ഓപ്പറേറ്റര് മനോജ് കാരാട്ട്, മോദിയുടെ കമ്പനി പ്രതിനിധി ഹേമന്ത് ഭട്ട്, പി.എന്.ബി ഫോറെക്സ് ജനറല് മാനേജര് ബെച്ചു തിവാരി, യശ്വന്ത് ജോഷി, പ്രാഫുല് സ്വന്ത് തുടങ്ങിയവരുടെ പേരുകളെല്ലാം കുറ്റപ്പത്രത്തില് ഉള്പ്പെട്ടിട്ടുണ്ടെന്നാണ് വിവരം.
ഇവരെ കൂടാതെ നീരവ് മോദിയുടെയും മെഹുല് ചോക്സിയുടെയും കമ്പനിയിലെ ചില ജീവനക്കാരും കേസില് പ്രതിയാവും.
https://www.facebook.com/Malayalivartha
