കോൺഗ്രസ്സ് പഞ്ചാബിലും പുതുച്ചേരിയിലും മാത്രമായൊതുങ്ങുമോ.. കര്‍ണ്ണാടകയില്‍ തെരഞ്ഞെടുപ്പ് പ്രചാരണത്തില്‍ ബിജെപി അധ്യക്ഷന്‍ അമിത് ഷാ തന്റെ പ്രസംഗത്തിനിടയില്‍ പറഞ്ഞു കോൺഗ്രസ്സ് മൂന്ന് "പി" യില്‍ ഒതുങ്ങുമെന്ന് . പഞ്ചാബും പുതുച്ചേരിയും പരിവാറുമാണ് അമിത് ഷാ പറഞ്ഞ മൂന്ന് പി കള്‍ .പരിവാറെന്ന് അമിത് ഷാ പറഞ്ഞത് കോഗ്രസിനെ നയിക്കുന്ന നെഹ്‌റു കുടുംബത്തെയുമാണ്.

ഇങ്ങനെ രാഹുല്‍ ഗാന്ധിയുടെ നേതൃത്വത്തില്‍ കോണ്ഗ്രസ്സ് ഓരോ തെരഞ്ഞെടുപ്പിലും കനത്ത പരാജയമേറ്റുവാങ്ങുകയാണ്. തൃപുരപോലെ കമ്മ്യൂണിസ്റ്റ് അധിപത്യം പുലര്‍ത്തിയ സംസ്ഥാനത്ത് കാലങ്ങളായി കോഗ്രസ്സ് അധികാരത്തിലെത്താന്‍ ശ്രമിച്ചെങ്കിലും നടന്നില്ല. എന്നാൽ അവിടെ ബിജെപി അധികാരം പിടിച്ചെടുക്കുകയായിരുന്നു. ഇങ്ങനെ കോൺഗ്രസ്സിന് സാധിക്കാത്തത് തങ്ങല്‍ക്ക് സാധിക്കുമെന്ന് ബിജെപി തെളിയിച്ചു.

ഉത്തര്‍പ്രദേശ് പോലുള്ള സംസ്ഥാനത്ത് കോൺഗ്രസ്സ് സമാജ് വാദി പാര്‍ട്ടിയുമായും ബിഎസ്പിയുമായും ധാരണയ്ക്ക് തയ്യാറായത് മാത്രമാണ് രാഹുല്‍ ഗാന്ധിയുടെ ഭാഗത്ത് നിന്നുണ്ടായ നല്ല രാഷ്ട്രീയ നീക്കം. ഉപതെരഞ്ഞെടുപ്പുകളില്‍ ബിജെപി യുടെ ഉറച്ച സീറ്റുകളില്‍ പോലൂം വിജയിക്കാന്‍ ഈ സഖ്യത്തിന് കഴിഞ്ഞു.

എന്നാൽ കോൺഗ്രസ്സ് മുക്ത ഭാരത മെന്നത് മാത്രമാണ് തങ്ങളുടെ ലക്ഷ്യമെന്നും മറ്റ് രാഷ്ട്രീയ പാര്‍ട്ടികള്‍ തങ്ങളുടെ ശത്രുവല്ലെന്നും ബിജെപി നേതാക്കള്‍ തന്നെ വ്യക്തമാക്കുന്നു. ബിജെപി യുടെ ഈ നയം തന്നെ കോൺഗ്രസുമായി സഹകരിക്കുന്ന മറ്റ് പാര്‍ട്ടികളെ ഒപ്പം കൂട്ടുക എന്ന ലക്ഷ്യത്തോടെയാണ്. കോൺഗ്രസ്സും ഓരോ തെരഞ്ഞെടുപ്പ് കഴിയുമ്പോഴു.ം കൂടുതല്‍ ദുര്‍ബലമാകുന്ന അവസ്ഥയിലാണ്.