ജനതാദളുമായി ചേർന്ന് സര്‍ക്കാര്‍ രൂപീകരണത്തിന് കോൺഗ്രസ്സ് നീക്കം. ജനതാദള്‍ എസ്സുമായി ചേർന്ന് സര്‍ക്കാര്‍ രൂപീകരണത്തില്‍ അപ്രതീക്ഷിത നീക്കമാണ് കോൺഗ്രസ്സിന്റെ ഭാഗത്ത് നിന്നുണ്ടായിരിക്കുന്നത്.  ജനതാദള്‍ എസ്സിനെ പുറത്ത്നിന്നു പിന്‍തുണച്ച് കൊണ്ട് മന്ത്രിസഭ രൂപീകരിക്കുതടക്കമുള്ള കാര്യങ്ങളാണ് കോൺഗ്രസ്സ് നേതൃത്വം പരിഗണിക്കുന്നത്, ബിജെപിയെ സംബന്ധിച്ചടുത്തോളം കോൺഗ്രസ്സ് ഇക്കുറി വളരെ നേരത്തെയാണ് രാഷ്ട്രീയ നീക്കം നടത്തിയിരിക്കുന്നത്.

തെരഞ്ഞെടുപ്പ് ഫലം പൂര്‍ണ്ണമായും പുറത്ത് വരുന്നതിന് മുന്‍പ് തന്നെ കോൺഗ്രസ് ജനതാദളുമായി ചര്‍ച്ചയ്ക്ക് തുടക്കമിട്ടു കേവല ഭൂരിപക്ഷത്തിനായി സ്വതന്ത്രരുടെ പിന്‍തുണ നേടുന്നതിനൊപ്പം തന്നെ ജനതാദളില്‍ പിളര്‍പ്പുണ്ടാക്കുന്നതടക്കമുള്ള തന്ത്രങ്ങള്‍ക്ക് ബിജെപിയും രൂപം നല്‍കും. ബിജെപി യുടെ ഈ നീക്കങ്ങള്‍ക്ക് തടയിടുകയാണ് കോൺഗ്രസിന്റെ മുന്നിലുള്ള വെല്ലുവിളി. മുഖ്യമന്ത്രി സ്ഥാനം ജനതാദളിന് നല്‍കിയാല്‍ സര്‍ക്കാര്‍ രൂപീകരണം സാധ്യമാകുമെന്നാണ് കോൺഗ്രസ്സിന്റെ കണക്ക്കൂട്ടൽ .കോൺഗ്രസ് നീക്കത്തിന് ജനതാദള്‍ കൂടി അനുകൂലമായാല്‍ കര്‍ണ്ണാടകയിലെ അധികാരത്തില്‍ നിന്ന് ബിജെപിയെ അകറ്റി നിര്‍ത്തുതിന് കഴിയും.