''നാണമുണ്ടെങ്കില് രാജിവയ്ക്കൂ''- കര്ണാടക ഗവര്ണറോട് യെച്ചൂരി
കര്ണാടക ഗവര്ണര്ക്ക് നാണത്തിന്റെ കണികയെങ്കിലും ബാക്കിയുണ്ടെങ്കില് ഗവര്ണറും രാജിവക്കുകയാണ് വേണ്ടതെന്ന് സിപിഐ എം ജനറല് സെക്രട്ടറി സീതാറാം യെച്ചൂരി. ബംഗളൂരുവില് തമ്ബടിച്ച് വഴിവിട്ട നീക്കങ്ങള്ക്ക് ഒത്താശ ചെയ്ത കേന്ദ്ര മന്ത്രിമാരും ഈ വിഷയത്തില് കുറ്റവാളികളാണെന്നും അദ്ദേഹം തന്റെ ട്വീറ്റില് പറഞ്ഞു.
ബിജെപിയെ സര്ക്കാര് രൂപീകരിക്കാന് ക്ഷണിച്ച ഗവര്ണറുടെ നടപടി തന്റെ പദവിയുടെ വിശ്വാസ്യതക്ക് നിരക്കാത്തതും ഭരണഘടനാപരമായ ഉത്തരവാദിത്തത്തിന് വിരുദ്ധവുമാണെന്ന് അദ്ദേഹം ട്വിറ്ററില് കുറിച്ചു. യെദ്യൂരപ്പയുടെ രാജി ബിജെപിയുടെ അഴിമതി നിറഞ്ഞ ക്രിമിനല് പദ്ധതിയുടെ പരാജയമെന്നും അദ്ദേഹം കൂട്ടിച്ചേര്ത്തു.
കള്ളപ്പണവും ക്രിമിനലിസവും ഉപയോഗിച്ചുകാണ്ട് ജനാധിപത്യ സ്ഥാപനങ്ങളെ ദുരുപയോഗം ചെയ്യാനും ഭരണഘടനാ കീഴ്വഴക്കങ്ങള് ലംഘിക്കാനും അതുവഴി ജനവിധി അട്ടിമറിക്കാനുമുള്ള നരേന്ദ്ര മോഡിയുടെയും അമിത് ഷായുടെയും ശ്രമങ്ങള് ജനങ്ങള് മറക്കില്ല. അതിനാല്ത്തന്നെ ഇത് കര്ണാടകത്തിന്റെ മാത്രം പ്രശ്നമായി ഒതുങ്ങുന്നില്ല - യെച്ചൂരി പറഞ്ഞു.
https://www.facebook.com/Malayalivartha
