രാഷ്ട്രപിതാവ് മഹാത്മാ ഗാന്ധിയോടുള്ള ആദരസൂചകമായി ഒക്ടോബര് രണ്ട് ഗാന്ധി ജയന്തി ദിനത്തില് സസ്യാഹാരം മാത്രം നല്കാനൊരുങ്ങുകയാണ് ഇന്ത്യന് റെയില്വേ
രാഷ്ട്രപിതാവ് മഹാത്മാ ഗാന്ധിയോടുള്ള ആദരസൂചകമായി ഒക്ടോബര് രണ്ട് ഗാന്ധി ജയന്തി ദിനത്തില് സസ്യാഹാരം മാത്രം നല്കാനൊരുങ്ങുകയാണ് ഇന്ത്യന് റെയില്വേ. ഇത് സംബന്ധിച്ച കേന്ദ്രസര്ക്കാരിന്റെ നിര്ദ്ദേശം റെയില്വേ അംഗീകരിച്ചതായാണ് റിപ്പോര്ട്ട്. ഇതു പ്രകാരം ഗാന്ധി ജയന്തി ദിനത്തില് ട്രെയിനിലോ റെയില്വേ സ്റ്റ്ഷനുകളിലോ സസ്യേതര ഭക്ഷണം ലഭിക്കില്ല.
സസ്യാഹാരത്തിന്റെ പ്രചാരകനായി നിലകൊണ്ട് ജീവിതത്തില് മറ്റുള്ളവര്ക്ക് മാതൃകയായിരുന്ന രാഷ്ട്രപിതാവിന് നല്കാവുന്ന മഹത്തായ സ്മരണാഞ്ജലി എന്ന നിലയ്ക്കാണ് റെയില്വേയുടെ തീരുമാനം. 2018,19,20 വര്ഷങ്ങളില് ഇതേ രീതി തുടരേണ്ടതാണെന്ന സര്ക്കുലറും റെയില്വേ മന്ത്രാലയം പുറത്തിറക്കി കഴിഞ്ഞു. ഇതു കൂടാതെ ദണ്ഡി മാര്ച്ചിന്റെ സ്മരണ പുതുക്കുന്നതിനായി പ്രത്യേക തീവണ്ടിയും സബര്മതിയില് നിന്നും വിവിധ സ്റ്റേഷനുകളിലേക്ക് സ്വച്ഛതാ എക്സ്പ്രസ് സര്വീസുകളും റെയില്വേ സംഘടിപ്പിക്കുന്നുണ്ട്.
അന്നേ ദിവസം വിതരണം ചെയ്യുന്ന ടിക്കറ്റുകളില് മഹാത്മാ ഗാന്ധിയുടെ ചിതം ആലേഖനം ചെയ്യാന് റെയില്വേ ആലോചിക്കുന്നുണ്ട്. എന്നാല് കേന്ദ്രത്തിന്റെ അനുമതി ലഭിച്ചതിന് ശേഷം മാത്രമെ തീരുമാനവുമായി മുന്നോട്ടു പോവുകയുള്ളു. ഡിവിഷണല് ഹെഡ്കോര്ട്ടേഴ്സുകളിലടക്കം റെയില്വേയുടെ സ്ഥാപനങ്ങളില് രാഷ്ട്ര പിതാവിന്റെ ചുമര് ചിത്രങ്ങള് സ്ഥാപിക്കാനനും തീരുമാനമായിട്ടുണ്ട്.
https://www.facebook.com/Malayalivartha
