കാഴ്ചയില്‍ മാത്രമല്ല മനസ്സുകൊണ്ടും പഠിത്തം കൊണ്ടും മുംബൈ ഖര്‍ മേഖലയിലെ രാഹുല്‍-രോഹന്‍ സഹോദരങ്ങള്‍ ഒരുപോലെ ആണെന്ന് തെളിയിച്ചിരിക്കുകയാണ്. പ്ലസ്ടു പരീക്ഷയില്‍ ഇരുവരും 96.5 ശതമാനം മാര്‍ക്കാണ് വാങ്ങിയിരിക്കുന്നത്. ഒരു പോയന്റിന്റെ പോലും വിത്യാസമില്ലാതെയാണ് മാര്‍ക്ക് വന്നിരിക്കുന്നത്. സുഹൃത്തുക്കളും അധ്യാപകര്‍മാത്രമല്ല അമ്മയും മാര്‍ക്ക് കണ്ട് ഞെട്ടിയിരിക്കുകയാണ്.

എപ്പോഴും ഒന്നിച്ചുമാത്രം കാണുന്ന ഇരുവര്‍ക്കും ഒരേ സ്വഭാവമാണെന്നും അമ്മ പറയുന്നു. എത്ര ദൂരത്താണെങ്കിലും ഇരുവര്‍ക്കും ഒരേസമയത്താണ് വിശക്കുന്നതെന്നും അമ്മ പറഞ്ഞു. സഹോദരങ്ങള്‍ ജസുദ്ബന്‍ എംഎല്‍ സ്‌കൂളിലാണ് പഠിക്കുന്നത്.

ഒരേസ്‌കൂളില്‍ പഠിക്കുന്നതിനൊപ്പം വീട്ടില്‍ പഠിക്കുന്നതും ഒന്നിച്ചാണ് എന്നാലും ഇത്രയധികം സാമ്യം വരുമോ എന്നാണ് എല്ലാവരും ചോദിക്കുന്നത്.