ന്യൂഡൽഹി: മദ്യലഹരിയിൽ​ സുഹൃത്തുമായി വഴക്കിട്ട 24 കാരി കെട്ടിടത്തി​ന്റെ നാലാം നിലയിൽ നിന്ന്​ ചാടി ആത്മഹത്യ ചെയ്തതായി റിപ്പോർട്ടുകൾ. വടക്കു പടിഞ്ഞാറ്​ ഡൽഹിയിൽ മുഖർജി നഗർ മേഖലയിലാണ്​ ഇത്തരത്തിലൊരു സംഭവം അരങ്ങേറിയത്.

മുഖർജി നഗർ ഭാഗത്തെ ഒരു വീട്ടിൽ നടന്ന സുഹൃത്​സൽക്കാരത്തിൽ പങ്കെടുക്കാൻ സുഹൃത്തിനോടൊപ്പമാണ് യുവതി എത്തിയത്. അവിടെ നിന്നും മദ്യപിച്ച യുവതി സുഹൃത്തിനോട്​ വഴക്കിടു​കയും തുടർന്ന് കെട്ടിടത്തിനു മുകളിൽ നിന്ന് താഴേക്ക്​​ ചാടുകയുമായിരുന്നു. എന്നാൽ, ഇതിനിടയാക്കിയ സാഹചര്യം വ്യക്തമല്ല​.

മരണത്തിൽ എന്തെങ്കിലും ദുരൂഹതയുണ്ടോ​ എന്നറിയാൻ പോസ്റ്റ്മോർട്ടം റിപ്പോർട്ടിനായി കാത്തിരിക്കുകയാണ്​ ഡൽഹി പൊലീസ്.