പ്രധാനമന്ത്രിയെ ഫ്യൂവൽ ചലഞ്ചിന് വെല്ലുവിളിച്ച് രാഹുല് ഗാന്ധി ; ഇന്ധന വില കുറച്ചില്ലെങ്കിൽ കോണ്ഗ്രസ് ദേശീയ പ്രക്ഷോഭം ആരംഭിക്കുമെന്ന് രാഹുൽ
24 MAY 2018 04:13 PM IST
മലയാളി വാര്ത്ത
ഇന്ത്യന് ക്രിക്കറ്റ് ടീം നായകന് വിരാട് കോഹ്ലിയുടെ ഫിറ്റ്നസ് ചലഞ്ച് പ്രധാനമന്ത്രി നരേന്ദ്ര മോഡി സ്വീകരിച്ചിരുന്നു. തൂത്തുക്കുടി വെടിവയ്പ്പ് അടക്കം ഗൗരവമേറിയ നിരവധി വിഷയങ്ങളുള്ളപ്പോള് പ്രധാനമന്ത്രി നിസാര കാര്യങ്ങളില് ഗൗരവത്തോടെ പ്രതികരിക്കുന്നതിനെതിരെ സോഷ്യല് മീഡിയയില് രൂക്ഷവിമര്ശനം ഉയര്ന്നിരിക്കയാണ്. ഇതിന് പിന്നാലെ പ്രധാനമന്ത്രിക്കെതിരെ ഫ്യുവല് ചലഞ്ചുമായി കോണ്ഗ്രസ് അധ്യഷന് രാഹുല് ഗാന്ധി.
വിരാട് കോഹ്ലിയുടെ ഫിറ്റ്നസ് ചലഞ്ച് ഏറ്റെടുത്ത പ്രധാനമന്ത്രിക്ക് നന്ദി. ഞാനിതാ ഒരു ചലഞ്ച് നല്കാം, ഇന്ധന വില കുറയ്ക്കുക. ഇല്ലെങ്കില് കോണ്ഗ്രസ് ദേശീയ പ്രക്ഷോഭം ആരംഭിക്കും. നിങ്ങള് വില കുറയ്ക്കാന് നിര്ബന്ധിതനാകും. താങ്കളുടെ പ്രതികരണം പ്രതീക്ഷിക്കുന്നു-രാഹുല് ട്വീറ്റ് ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
