രാജ്യം മുഴുവന്‍ ഉറ്റുനോക്കുന്ന തമിഴ്‌നാട്ടിലെ തൂത്തുക്കുടിയില്‍ പോലീസ് വെടിവയ്പ്പില്‍ 13 പേര്‍ കൊല്ലപ്പെട്ട സംഭവത്തില്‍ പ്രതിഷേധിച്ച് തമിഴ്‌നാട്ടില്‍ വെള്ളിയാഴ്ച ബന്ദിന് ആഹ്വാനചെയ്തു. പ്രതിപക്ഷ പാര്‍ട്ടികളാണ് ബന്ദിന് ആഹ്വാനം ചെയ്തത്. രാവിലെ ആറ് മണി മുതല്‍ വൈകിട്ട് ആറ് മണി വരെയാണ് ബന്ദ്. വേദാന്ത സ്റ്റെര്‍ലൈറ്്‌റ ഫാക്ടറി സൃഷ്ടിക്കുന്ന മലിനീകരണത്തിനെതിരെ പ്രതിഷേധിച്ചവര്‍ക്ക് നേരെയാണ് വെടിവയ്പ്പുണ്ടായത്. 

ഡി.എം.കെ, സി.പി.എം, കോണ്‍ഗ്രസ്, മുസ്ലീം ലീഗ്, സി.പി.ഐ എന്നീ പാര്‍ട്ടികള്‍ ബന്ദിന് പിന്തുണ നല്‍കിയിട്ടുണ്ട്. സംഭവത്തിന്റെ ഉത്തരവാദിത്തം ഏറ്റെടുത്ത് മുഖ്യമന്ത്രി എടപ്പാടി പളനിസ്വാമി രാജിവയ്ക്കണമെന്ന ആവശ്യം ശക്തമായിട്ടുണ്ട്.

അതേസമയം തൂത്തുക്കുടി വെടിവയ്പ്പിന്റെ പേരില്‍ പ്രതിപക്ഷം നാടകം കളിക്കുകയാണെന്ന് മുഖ്യമന്ത്രി എടപ്പാടി പളനിസ്വാമി ആരോപിച്ചു. പ്രതിഷേധക്കാര്‍ക്കിടെ സാമൂഹ്യവിരുദ്ധര്‍ ഉണ്ടായിരുന്നുവെന്നും അദ്ദേഹം ആരോപിച്ചു. ഇന്ന് സെക്രട്ടറിയേറ്റില്‍ നടന്ന പ്രതിപക്ഷ പ്രതിഷേധത്തെ തുടര്‍ന്ന് എം.കെ സ്റ്റാലിനെ അറസ്റ്റ് ചെയ്ത് നീക്കി