ജമ്മു കാശ്മീരിലെ രാജോരി വനമേഖലകളില്‍ വന്‍ തീപിടിത്തം. വെള്ളിയാഴ്ചയാണ് തീ ശ്രദ്ധയില്‍പ്പെട്ടത്. തീ നിയന്ത്രണ വിധേയമാക്കാന്‍ ശ്രമിക്കുകയാണെന്ന് അധികൃതര്‍ അറിയിച്ചു.

എന്നാല്‍ തീ നിയന്ത്രണ വിധേയമാക്കാന്‍ സാധിച്ചിട്ടില്ലെന്നും വളരെ വേഗം തീ പടരുകയാണെന്നും പ്രദേശവാസികള്‍ പറഞ്ഞു. അഗ്‌നിശമനസേന ഇതുവരെ സ്ഥലത്തെത്തിയിട്ടില്ലെന്നും നാട്ടുകാര്‍ പറഞ്ഞു.

രണ്ട് ദിവസം മുന്‍പ് കാശ്മീരിലെ കത്ര വനമേഖലയിലും തീപിടിത്തമുണ്ടായിരുന്നു. ഇന്ത്യന്‍ വ്യോമസേന ഹെലികോപ്റ്ററുകളില്‍ 'ബംബി ബക്കറ്റുകളില്‍' വെള്ളമെത്തിച്ചാണ് തീ നിയന്ത്രണവിധേയമാക്കിയത്.